ՀՀ ԿԳՄՍՆ բարձրագույն կրթության և գիտության կոմիտեի՝ գիտական կենտրոնները ժամանակակից սարքավորումներով վերազինելու նպատակով կազմակերպած մրցույթի արդյունքում ԵՊԲՀ «ՔՈԲՐԵՅՆ» կենտրոնում կձևավորվի զեբրաձկան պահպանման, դրա կենսունակության և վարքագծի գնահատման նոր բազմաբաղադրիչ ենթակառուցվածք:
Այն հնարավորություն կտա ընդլայնել իրականացվող հետազոտությունները՝ դրանցում ընդգրկելով կենսաբժշկության ոլորտի փորձարարական կենդանիների շարքում մկներից հետո երկրորդ տեղը զբաղեցնող զեբրաձկներին, ինչպես նաև այդ հետազոտությունների շրջանակում հիմնել նոր համագործակցություններ Հայաստանի և աշխարհի այլ առաջատար գիտական կառույցների միջև։
Հիշեցնենք, որ 2022 թվականին ԵՊԲՀ «ՔՈԲՐԵՅՆ» կենտրոնի միջազգային խորհրդատվական խորհրդի անդամ, պրոֆեսոր Ալան Կալուեֆի հետ համագործակցության արդյունքում «ՔՈԲՐԵՅՆ» կենտրոնում
ներդրվել է զեբրաձկան լաբորատորիայի փոքր մոդելը: