«Մանկաբարձությունում և գինեկոլոգիայում ուլտրաձայնային ախտորոշման հայկական ասոցիացիայի» հրավերով սեպտեմբերի 24-ին Երևանում, ԵՊԲՀ-ում էր Իսրայելից ժամանած անվանի մասնագետ, բժշկական գիտությունների դոկտոր, պրոֆեսոր Դան Վալսկին, իր հեղինակային «Փոքր պտուղ (Small fetus): Դոպլերը մանկաբարձության մեջ: պլացենտային անբավարարության» դասախոսությամբ:
ԵՊԲՀ «Գերձայնային ախտորոշումը ֆետալ բժշկությունում» կուրսի վարիչ Կարինե Թոխունցի փոխանցմամբ` նախորդ երկու տարիներին նվազել էին մասնագիտական կենդանի, անմիջական հանդիպումներն ու շփումները:
«Մենք մեծ հետաքրքրությամն լսեցինք պրոֆեսոր Վալսկուն: Բժիշկը պարտավոր է սովորել ամբողջ կյանքում, քանի որ «Սպիտակ բանակը» ևս մարդկային կյանքների փրկության թիկունքում է կանգնած, իսկ մեր դեպքում խոսքը միաժամանակ երկու կյանքի մասին է»,- մանրամասնեց Կարինե Թոխունցը` հավելելով, որ ակնահաճո էր հրավիրյալ պրոֆեսորի լակոնիկ, կլինիկական տեսակետից արդի մասնագիտական նյութը:
Նշենք, որ Դան Վալսկին ներկայացնում էր Երուսաղեմի Хадасса Mount Scopus բժշկական հեղինակավոր հիվանդանոցը, որտեղ առանձին ստորաբաժանում է ղեկավարում: Նա պահանջված մասնագետ է նախածննդյան ախտորոշման և ֆետալ թերապիայի, բարձր ռիսկի հղիության վարման, մանկաբարձության և գինեկոլոգիայի այլ ժամանակակից ոլորտներում:
Միջոցառումը հավաստագրված էր շարունակական մասնագիտական զարգացման կրեդիտներով:
