Օտար լեզուների ամբիոնի և Կարիերայի կենտրոնի համագործակցության արդյունքում ԵՊԲՀ-ում մեկնարկում են անգլերենի և գերմաներենի մասնագիտական դասընթացներ։
Վճարովի դասընթացներին կարող են մասնակցել բոլոր ցանկացողները։ ԵՊԲՀ ուսանողների և աշխատակիցների համար գործում են զեղչեր։
- Դասընթացներին կարող են մասնակցել՝ արտաքին շահառուներ, համալսարանի 2-5-րդ կուրսի ուսանողներ, աշխատակիցներ և կլինիկական օրդինատորներ։
- Դասընթացների բնույթը՝
|
Ընդհանուր անգլերեն
(General English)
|
Ընդհանուր գերմաներեն
(Allgemeiner Deutschkurs)
|
|
Մասնագիտական անգլերեն
(English for Medical Purposes)
|
Մասնագիտական գերմաներեն
(Deutsch für medizinische Zwecke)
|
|
Ակադեմիական անգլերեն
English for Academic Purposes
|
|
Ակադեմիական անգլերեն դասընթացին հաճախելու համար անհրաժեշտ է ունենալ լեզվի իմացության B1+ մակարդակ։
- Խմբերը կազմվելու են ըստ մասնակիցների լեզվի իմացության մակարդակի (A1-C2)՝ հաջորդական կայուն առաջընթաց ապահովելու նպատակով:
- Դասընթացներն կրելու են շարունակական բնույթ: Լեզվի ընդհանուր իմացության յուրաքանչյուր փուլը ենթադրում է առնվազն չորս ամսվա ուսուցում:
- Դասընթացները ներառում են լսելու, կարդալու, գրելու և խոսելու բաղադրիչներ, որոնք ուղղված են սովորողների լեզվական գիտելիքների, հաղորդակցական բազմակողմանի հմտությունների բարելավմանը:
- Ուսուցման յուրաքանչյուր փուլի ավարտին այն հաջողությամբ ավարտած մասնակիցներին կշնորհվի համապատասխան վկայական:
- Պարապմունքները կանցկացվեն շաբաթը երկու անգամ՝ 14:30 – 16:30 կամ 16:30 – 18:30 (Ժամային գրաֆիկը, ըստ նպատակահարմարության, ենթակա է փոփոխությունների)
Ծրագրի արժեքը՝
- արտաքին շահառուներ՝ 50․000 Դրամ
- Համալսարանի ուսանողներ և կլինիկական օրդինատորներ՝ 25.000 Դրամ
- Համալսարանական աշխատակիցներ՝ 35.000 Դրամ
Լրացուցիչ տեղեկությունների համար խնդրում ենք զանգահարել Օտար լեզուների ամբիոն` 010 301 000, ներքին՝ 320, կամ 091 56 59 92 հեռախոսահամարներով։
