ԵՊԲՀ պրոֆեսոր, «Գերձայնային ախտորոշումը մանկաբարձությունում, գինեկոլոգիայում և ֆետալ բժշկությունում» կուրսի վարիչ Կարինե Թոխունցն ընտրվել է «Ուլտրաձայնային հետազոտությունը՝ գինեկոլոգիայում» (Ultrasound for Gynecology) խորագրով միջազգային ամառային սեմինարների շարքի խոսնակ։
Համաշխարհային առաջատար խոսնակների շարքում համալսարանական մասնագետը հունիսի 3-ին, 10-ին, 17-ին և 24-ին հանդես կգա արդեն 4-րդ առցանց դասընթացին, որի նպատակն է բարելավել գինեկոլոգիայի ոլորտում ուլտրաձայնային հետազոտություններ կատարելու գործնական հմտությունները։
Կարինե Թոխունցը մասնակիցների հետ կկիսվի գիտելիքով և ոլորտում բազմամյա փորձով։
Նշենք, որ երկու տարի առաջ նա ընտրվել էր Մանկաբարձության և գինեկոլոգիայի ուլտրաձայնային հետազոտությունների միջազգային միության (International Society of Ultrasound In Obstetrics and Gynecology – ISUOG) դեսպան (ISUOG AMBASSADOR)՝ ակտիվորեն ներգրավվելով կազմակերպության գործունեության մեջ։