ԵՊԲՀ հնդիկ ուսանողների կողմից ավանդույթ է «Հնդկական մշակութային երեկո» միջոցառման անցկացումը, որն ամեն տարի մեկ հարկի տակ է համախմբում ինչպես սովորողների և դասախոսների, այնպես էլ Հայաստանում բնակվող հազարավոր հնդիկների: Կազմակերպված երեկոն մասնակիցների համար հնդկական մշակույթին ծանոթանալու հրաշալի հնարավորություն էր: Հնդիկ ուսանողները ներկայացրեցին հագեցած համերգային ծրագիր` հնդկական պարերով, երգերով և իհարկե խոհանոցով:
Հնդկական մշակութային երեկոն կամ գիշերը բացառիկ է նրանով, որ բժշկական համալսարանի ուսանողները մասնակիցներ են, կազմակերպիչներ, պարողներ և երգողներ: Նրանք մեզ փոխանցում են Հնդկաստանի շունչը, տանում երաժշտական ուղևորության՝ ընձեռելով այդ հինավուրց երկրի ողջ տարածքով ճանապարհորդելու հնարավորություն։ Ավանդույթ դարձած այս միջոցառմանը ներկա էին նաև դիվանագիտական կառույցների, այլ բուհերի ներկայացուցիչներ: