Ուսումնական ու քննական գործընթացում առկա խնդիրների լուծմանն էր նվիրված ԵՊԲՀ ռեկտոր Արմեն Մուրադյանի այսօրվա հանդիպումը 1-ին, 2-րդ և 3-րդ կուրսերի ուսանողների հետ: Ապագա բժիշկներն ամփոփելով քննաշրջանի արդյունքները, բուհի ղեկավարին ներկայացրին տարաբնույթ առաջարկներ ու մտահոգություններ:
Արմեն Մուրադյանն ընդգծեց, որ ուսանողներին հետաքրքրող բոլոր խնդիրները ոչ միայն բուհի ղեկավարության ամենօրյա ուշադրության կենտրոնում են, այլև ամեն շաբաթ հրավիրվող ռեկտորատի նիստերի մշտական օրակարգում: Ուսանողների կողմից բարձրացված հարցերը վերաբերում էին քննաշրջանի անցկացմանը, ուսումնական պրակտիկային, գրականության թարմացմանը, մի շարք այլ թեմաների: Ռեկտորը նշեց, որ առաջիկայում ծրագրվում է բարելավել գրադարանային պայմանները: Ապագա բժիշկներին հերթական անգամ ներկայացվեցին բոլոր այն ծրագրերը, որոնք ուղղված են ԵՊԲՀ-ի միջազգայնացմանը: Մասնավորապես անդրադարձ կատարվեց Կարիերայի կենտրոնին, «Հերացի» նորարական լաբորատորիային, Իրավաբանական կլինիկային, Շրջանավարտների ակումբին:
Եզարափակելով շուրջ երկու ժամ տևողությամբ հանդիպումը՝ ԵՊԲՀ ռեկտորը պատասխանեց տասնյակ հարցերի: Նա հորդորեց ուսանողներին միայն կրթության միջոցով հարթել մասնագիտական ճանապարհը: