Հոկտեմբերի 18-ին կայացավ առաջին MedDiscussions-ը, թեման կրծքագեղձի քաղցկեղն էր՝ կրծքագեղձի քաղցկեղի իրազեկման միջազգային ամսվան ընդառաջ:
Միջոցառումը մեկնարկեց երեք քեյսերի ներկայացմամբ, որն ընդգրկեց վիրահատության ցուցադրություն և մեկնաբանում, բարդ ախտորոշիչ դեպքերի և հազվագյուտ քաղցկեղի դեպքերի նկարագրություն:
Դրան հաջորդեց երեք փուլով կազմված պանելային քննարկում, որտեղ մասնակիցները հնարավորություն ունեցան հարցեր տալ և հաղորդակցվել փորձագետների հետ:
Հայաստանի առողջապահական ուսանողների ասոցիացիայի (ԲԻԼ Հայաստան) նախաձեռնած հերթական միջոցառումը տևեց երկու ժամ և հավաքեց շուրջ 100 մասնակից։
Կազմակերպությունը շնորհակալություն է հայտնում խոսնակներին և մասնակիցներին` մյուս միջոցառումների սպասումով:
