Սիրելի՛ ուսուցիչներ, սրտանց շնորհավորում եմ մասնագիտական այս գեղեցիկ տոնի առթիվ:
Թող աշխատանքային բարդ գործընթացում անսասան կամքը, տոկունությունը, ինչպես նաև հաջողությունն ու ստեղծագործական վերելքը ձեր մշտական ուղեկիցը լինեն: Մեծ է մանկավարժի դերակատարումը ոչ միայն սերունդներ կրթելու գործում, այլև մարդու, ժողովրդի, պետության կյանքում, որովհետև առանց ձեր մասնակցության պետության զարգացումն անհնար է պատկերացնել: Ուսուցչի դերը կարևոր է և պարտավորեցնող, քանի որ գիտելիքներ ունենալուց զատ այս մասնագիտությունը պահանջում է նաև անմնացորդ նվիրվածություն: Ձեր ամենօրյա ազնիվ ու տքնաջան աշխատանքով երիտասարդ սերնդի մեջ սերմանում եք սեր դեպի կրթությունը, ընտանիքը, հայրենիքը՝ նպաստելով հայապահպան դաստիարակության կարևոր գործին:
Կրկին շնորհավորելով ձեզ այս գեղեցիկ տոնի առթիվ մաղթում եմ մասնագիտական նոր ձեռքբերումներ և հաջողություններ:
Արմեն Մուրադյան
ԵՊԲՀ ռեկտոր