Բժշկական մայր բուհում իրականացվեց Հայաստանի առողջապահական ուսանողների ասոցիացիայի (ԲԻԼ Հայաստան) կողմից կազմակերպված MedTalks-ի ամենամսյա ինտերակտիվ միջոցառումների հերթական շարքը, որի շրջանակում քննարկվեցին բժշկությանն ու առողջապահությանն առնչվող տարբեր թեմաներ: Միջոցառումների շարքը հնարավորություն է տալիս հայ և օտարերկրյա ուսանողներին զարգացնել իրենց գիտելիքը ու լայնացնել մտահորիզոնը։
Այս ամսվա թեման նվիրված էր կարևոր և տարածված խնդրի` քաղցկեղին: Վերջին տարիներին քաղցկեղի լայն տարածման հետ մեկտեղ, զգալի առաջընթաց է գրանցվել նաև դրա ախտորոշման և բուժման մեթոդներում: Ոլորտի մասնագետները ԵՊԲՀ ուսանողների հետ քննարկեցին քաղցկեղի երկու ամենատարածված տեսակները` շագանակագեղձի և թոքի քաղցկեղը։
MedTalks-ն անցավ հարցուպատասխանով, ակտիվ քննարկմամբ և մասնագիտական փորձի փոխանակմամբ:
