Կայքը դեռ գտնվում է փորձարկման փուլում։
The site is still under testing.

Սովորողները մանկական վարակաբան Ալիսիա Դեմիրճյանի հետ քննարկել են մասնագիտական մի շարք հարցեր

Սովորողները մանկական վարակաբան Ալիսիա Դեմիրճյանի հետ քննարկել են մասնագիտական մի շարք հարցեր

ԵՊԲՀ նորաբաց ուսումնական սենյակներից մեկը, չնայած արձակուրդային ժամանակահատվածին, երեկ մարդաշատ էր: Սովորողները հնարավորություն ունեցան մասնակցելու ԵՊԲՀ այցելու պրոֆեսոր, Լոնդոնի Guy's and St Thomas' NHS Foundation Trust-ի մանկական վարակաբան Ալիսիա Դեմիրճյանի հետ հանդիպմանը, որը նվիրված էր մանկաբուժական հարցերի քննարկմանը:

ԵՊԲՀ օրդինատորները ներկայացրին կլինիկական դեպքեր և վերլուծեցին դրանք հայտնի մանկաբույժի հետ, ով պատասխանեց իրենց հուզող մի շարք հարցերի: Քննարկումը մասնակցային էր և ընդգրկում էր հարցերի լայն շրջանակ:

Բժիշկ Ալիսիա Դեմիրճյանը շնորհակալություն հայտնեց հետաքրքիր քննարկման համար, իսկ մասնակիցները հույս հայտնեցին, որ այն շարունակական կլինի: