Ջերմորեն շնորհավորում եմ բոլորիս Հայաստանի համար կարևորագույն այս օրվա առթիվ:
Հունվարի 28-ը նշանավորում է հայկական զինուժի կազմավորման տարեդարձը:
Իր ավելի քան երեսնամյա տարեգրության ընթացքում մեր բանակն անցել է տարբեր փորձություններ, ունեցել հաղթական էջեր, նաև կորուստներ, բայց ցանկացած պարագայում հավաստել մեր պետությունն ամուր պահելու, պետականությունն ամրապնդելու, վաղվա օրը երաշխավորելու իր բաժին առաքելությունը:
Շնորհավորում եմ հատկապես առաջնագծում մեր սահմաններն անսասան պահող զինծառայողներին, Հայաստանի զինված ուժերը համալրող մեր տղաներին, բոլոր ժամանակներում հայրենիքի համար կյանքը նվիրաբերած զինծառայողների ընտանիքներին՝ մաղթելով ամենակարևորը՝ խաղաղ Հայաստան:
ԵՊԲՀ ռեկտոր,
պրոֆեսոր Արմեն Մուրադյան