Շնորհավո′ր ստոմատոլոգների միջազգային օրը !!!
Այսօր՝ փետրվարի 9-ին, աշխարհի բժշկական հանությունը նշում է Ստոմատոլոգների միջազգային օրը: Ստոմատոլոգիան, բժշկագիտության կարևոր ճյուղերից մեկը համարվելով, համաչափ քայլերով առաջ է զարգանում բժշկագիտության մյուս ուղղություններին զուգահեռ՝ ապահովելով առաջընթաց:
Ստոմատոլոգի դերը մեր կյանքում անգնահատելի է, և այս օրը ևս մեկ առիթ է՝ հպարտությամբ անդրադառնալու ստոմատոլոգների կարևոր ու պատասխանատու աշխատանքին, վերլուծելու առկա խնդիրները, նախանշելու անելիքները:
Վստահորեն կարող ենք ասել, որ մեր երկրում ստոմատոլոգիան հիմնականում քայլում է միջազգային պահանջներին համահունչ:
Պետք է փաստել, որ մեր երկիրը վերջին տարիներին գրավիչ է նաև ստոմատոլոգիական զբոսաշրջություն փնտրողների համար: Հայաստանն այս ոլորտում աչքի է ընկնում բժշկության բարձր մակարդակով, համապատասխանում է եվրոպական չափանիշներին, մշտապես ներդրվում են բուժման նորարարական մեթոդներ և կիրառվում են ժամանակակից բժշկական տեխնոլոգիաներ ու սարքավորումներ, ինչը թույլ է տալիս հաջողությամբ մրցակցել եվրոպական և այլ երկրների առաջատար բժշկական կենտրոնների հետ:
Սրտանց շնորհավորում եմ բժշկագիտության այս ճյուղի բոլոր ներկայացուցիչներին՝ մասնագիտական տոնի կապակցությամբ և մաղթում հաջողություններ ու նորանոր ձեռքբերումներ: