Կլինիկական օրդինատուրայում (ռեզիդենտուրա) սովորելու ժամկետը, կախված մասնագիտությունից, տևում է 2-ից մինչեւ 4 տարի:

Հայերեն և ռուսերեն լեզուներով տարեկան ուսման վարձը կազմում է`

Սփյուռքահայերի համար

• ԵՊԲՀ շրջանավարտների համար՝ 1 400 000 դրամ,
• Այլ բուհերի շրջանավարտների համար՝ 1 600 000 դրամ:  

Օտարերկրյա քաղաքացիների համար

• ԵՊԲՀ շրջանավարտների համար՝ 2 000 000 դրամ,
• Այլ բուհերի շրջանավարտների համար՝ 2 300 000 դրամ:  

Անգլերեն լեզվով տարեկան ուսման վարձը Սփյուռքահայերի համար կազմում է`

• ԵՊԲՀ շրջանավարտների համար՝ 1 600 000 դրամ,
• Այլ բուհերի շրջանավարտների համար՝ 1 800 000 դրամ:  

• Փոխարժեքն ամեն օր թարմացվում է ՀՀ Կենտրոնական բանկի ինտերնետային կայքում՝cba.am.
• Ուսման վարձը ուսման ողջ ժամանակահատվածի ընթացքում փոփոխության ենթակա չէ:
• Ցանկացողներին տրամադրվում է 2 և 3 տեղանոց սենյակներ Հանրակացարանում:
• Բոլոր ուսանողները պետք է ունենան պարտադիր բժշկական ապահովագրություն:
• Համալսարանի և ուսանողի միջև կնքվում է պայմանագիր:

• Դիմում (բեռնել);
• Դիմում-հարցաթերթիկ (բեռնել);
• Տեղեկանք ընդհանուր առողջական վիճակի մասին (տվյալ տեղեկանքը կարող է տրվել նաև Հայաստանի Հանրապետության բժշկական կազմակերպությունների կողմից);
• Անձնագրի պատճեն;
• Ծննդյան վկայականի նոտարական վավերացված պատճենը կամ մկրտության վկայականի պատճենը (սփյուռքահայ դիմումատուների համար);
• Կրթական աստիճանի մասին փաստաթղթի (գնահատականներով) թարգմանված և նոտարական վավերացված պատճենը, իսկ առանձին երկրների դեպքում (ապոստիլի մասին կոնվենցիայի մասնակից երկրներ)՝ ապոստիլի վավերացված պատճենը;
• 3×4 չափի 4 լուսանկար;
• Ինքնակենսագրություն (CV);
• Հետբուհական մասնագիտական կրթություն ստանալու համար ընտրված մասնագիտության թեմայով գիտական ռեֆերատ՝ հայերեն, ռուսերեն կամ անգլերեն լեզուներով 20 էջ ծավալով:

Դիմորդի կողմից ներկայացվող փաստաթղթերի փաթեթը ոչ ամբողջական  կամ թերի լինելու դեպքում դիմորդի փաստաթղթերը չեն ուսումնասիրվելու։ 

Դիմորդը, կա՛մ նրա լիազորված անձը, կա՛մ ուսումնական հաստատության ներկայացուցիչը վերոնշյալ կետերով (1-9) պահանջվող փաստաթղթերը սահմանված ժամկետներում պետք է ներկայացնեն Նախարարության արտաքին կապերի և սփյուռքի վարչություն կամ պահանջվող փաստաթղթերի էլեկտրոնային տարբերակները պետք է ուղարկեն secretariat@escs.am  էլեկտրոնային հասցեին։

Գիտելիքների գնահատման ընթացքում դիմորդը, կա՛մ նրա լիազորված անձը, կա՛մ ուսումնական հաստատության ներկայացուցիչը պարտավոր են Նախարարության էլեկտրոնային հասցեին ուղարկած 1-9-րդ կետերով պահանջվող փաստաթղթերի բնօրինակները ներկայացնել Նախարարության արտաքին կապերի և սփյուռքի վարչություն:

Համաձայն փաստաթղթերի ներկայացման ժամկետների՝ դիմումներն ու փաստաթղթերը Նախարարությունում ընդունվում են աշխատանքային օրերին, ժամը 10:00-ից մինչև 17:00-ն, ընդմիջում՝ 13:00-ից մինչև 14:00-ն:

Փաստաթղթերի ընդունման ժամկետը՝ 17․06․2024 – 27.09.2024

Քննությունները կկազմակերպվեն մինչև 04․10․2024

Նախապատրաստական բաժնի ընդունելությունը՝  17․06․2024 – 27.09.2024:

Այն դիմորդները, որոնք ցանկանում են անցնել  նախապատրաստական ուսուցում (հիմնական առարկաների նախնական գիտելիքների ստուգումը՝ բանավոր ձևաչափով) պետք է դիմեն Համալսարանի օտարերկրացիների նախապատրաստական ուսուցման բաժին մինչև 2024թ.-ի սեպտեմբերի 20-ը:

ՕՏԱՐԵՐԿՐՅԱ ՔԱՂԱՔԱՑԻՆԵՐԻ 2024-2025 ՈՒՍՏԱՐՎԱ ԸՆԴՈՒՆԵԼՈՒԹՅԱՆ ՔՆՆՈՒԹՅՈՒՆՆԵՐԻ ԺԱՄԱՆԱԿԱՑՈՒՅՑԸ

Այն դիմորդները, որոնք ներկայացրել են փաստաթղթերը ԿԳՄՍ նախարարություն մինչև 2024թ. սեպտեմբերի 27-ը ներառյալ, կարող են հանձնել ընդունելության քննությունները հետևյալ ժամանակացույցով. 

Նշումներ.

• Այն դեպքում, երբ դիմորդն ընտրել է որպես քննական Քիմիա և Ֆիզիկա առարկաները, Քիմիա առարկայի քննությունը կկազմակերպվի հոկտեմբերի 2-ին:
• Դիմորդը պետք է ԵՊԲՀ ներկայանա քննության մեկնարկից 30 րոպե առաջ և գտնվի Համալսարանի բակի/ներքին մուտքի տարածքում՝ մինչև նրան կրհրավիրեն քննության:
• Դիմորդը պետք է ունենա անձը հաստատող փաստաթուղթ, սովորական (ոչ գելային) կապույտ գրիչ և մատիտ, հաշվարկների համար թույլատրվում է հաշվիչ:
• Դիմորդի ներկայությունը արդյունքների հայտարարության ժամանակ պարտադիր է:

ԵՊԲՀ ընդունելության համար դիմելուց և փաստաթղթերը ներկայացնելուց հետո անհրաժեշտ է ծանոթանալ «ՕՏԱՐԵՐԿՐՅԱ ԴԻՄՈՐԴՆԵՐԻ ԸՆԴՈՒՆԵԼՈՒԹՅԱՆ ՔՆՆՈՒԹՅՈՒՆՆԵՐԻ ԱՆՑԿԱՑՄԱՆ ԿԱՆՈՆՆԵՐԻՆ», այնուհետև լրացնել «ԴԻՄՈՐԴԻ ՀԱՐՑԱԹԵՐԹԸ»

Լրացուցիչ տեղեկությունների համար դիմեք Հայաստանի Հանրապետության կրթության, գիտության, մշակույթի և սպորտի նախարարության հետևյալ բաժիններին.

Սփյուռքի հետ կապերի բաժին (հեռ.՝ + 374 10-599-647)

Արտաքին կապերի բաժին (հեռ.՝ + 374 10-599-646)

Ֆիզիկա (հայերեն)

Քիմիա (հայերեն)

Կենսաբանություն (հայերեն) 

Ընդհանուր բժշկության ֆակուլտետի ավարտին շնորհվում է բժշկի որակավորում: Մասնագիտությունը՝ բուժական գործ։

Ստոմատոլոգիական ֆակուլտետի ավարտին շնորհվում է բժիշկ-ստոմատոլոգի որակավորում: Մասնագիտությունը՝ ստոմատոլոգիա:

Դեղագիտական ֆակուլտետի ավարտին շնորհվում է դեղագիտության մագիստրոսի որակավորում: Մասնագիտությունը՝ դեղագիտություն։

ԵՊԲՀ Հասցե’ ՀՀ, 0025, ք. Երևան, Կորյունի 2

Հեռ.` +374 10 301 060, +37410 560 594,

Ֆաքս՝ + 37410 529 605

E-mail: info@ysmu.am, international@ysmu.am