ԵՊԲՀ ռեկտոր Արմեն Մուրադյանն այսօր հանդիպում ունեցավ բժշկության և դեղագործության պրոֆեսոր, ամերիկահայ անվանի բժիշկ Ջոն Բիլեզիկյանի և Օստեոպորոզի հայկական ասոցիացիայի նախագահ Վարտա Բաբալյանի հետ:
ԵՊԲՀ այցելու պրոֆեսոր Ջոն Բիլեզիկյանի բժշկական համալսարան այցի նպատակն էր ռեկտոր Արմեն Մուրադյանի հետ քննարկել ուսանողների հետ առաջիկայում նախատեսված աշխատանքների ուղղությունները:
Կարևորելով համագործակցության անհրաժեշտությունը՝ հանդիպման ընթացքում ներկաները ձեռք բերեցին պայմանավորվածություն՝ ԵՊԲՀ 100-ամյակին նվիրված միջոցառումների շարքում ներառել օստեոպորոզին և էնդոկրինալոգիային նվիրված համաժողովների անցկացման հարցերը:
ԵՊԲՀ այցելու պրոֆեսոր Ջոն Բիլեզիկյանը պատրաստակամություն հայտնեց հանրային առողջապահության տեսանկյունից կազմակերպել օստեոպորոզի և էնդոկրինալոգիական հիվանդությունների կանխարգելմանը նվիրված դասընթացներ՝ ԵՊԲՀ սովորողների համար:
