ԵՊԲՀ-ում մարզական կյանքը եռում է: Բուհում շարունակվում են իրականացվել սպորտային բազմաթիվ միջոցառումներ, մրցաշարեր, որոնց մասնակցում են ապագա բժիշկները՝ գրանցելով հաղթանակներ, լավագույն արդյունքներ՝ առողջ ապրելակերպ վարելու օրինակ ծառայելով ընկերների, հերացիականների համար:
Այս անգամ Ֆիզիկական դաստիարակության ամբիոնի կողմից կազմակերպվել էր «ԵՊԲՀ ռեկտորի գավաթ» մրցաշար վոլեյբոլ և շախմատ մարզաձևերից:
Վոլեյբոլից մասնակցում էր 12 թիմ՝ ընդհանուր 120 խաղացող, իսկ շախմատում իրենց ուժերն էին փորձում 80 ուսանող:
Շախմատի մրցաշարում հաջողություններ ունեցան, առաջին երեք հորիզոննականները զբաղեցրին և ԵՊԲՀ ռեկտոր Արմեն Մուրադյանի կողմից մեդալներով ու հավաստագրերով պարգևատրվեցին Ստոմատոլոգիական ֆակուլտետի կլինիկական օրդինատոր Վրեժ Սահակյանը, Ընդհանուր բժշկության ֆակուլտետի 4-րդ կուրսի ուսանող Վարազդատ Հարութինյանը, Դեղագիտական ֆակուլտետի 4-րդ կուրսի ուսանող Արփինե Գրիգորյանը:
Վոլեյբոլի մրցաշարի հաղթողներ դարձան, գավաթներով պարգևատրվեցին առաջին երեք հորիզոնականները գրաված Ռազմաբժշկական ֆակուլտետի «Գրոսմայստերներ» թիմը, «Գանգստեր» և «Մ.Ջ.Ռ» թիմերը, որտեղ մրցում էին օտարերկրացի ուսանողները:
Ֆիզիկական ակտիվությունը ցանկացած տարիքում կարևոր է: Բժշկական համալսարանում, Ֆիզիկական դաստիարակության ամբիոնի ջանքերով, շարունակական է լինելու նման միջոցառումների անցկացումը:
