ԵՊԲՀ կարիերայի կենտրոնը շարունակում է իրականացնել «Մասնագետ» ծրագիրը:
Այս անգամ բժշկական մայր բուհ էին հյուրընկալվել «Գազպրոմ Արմենիա» ուսումնասպորտային համալիրի բարձր դասարանների աշակերտները:Ծրագրի ընթացքում մասնակիցները ծանոթացան առաջին բուժօգնության հմտություններին, տեսական և գործնական աշխատանքներին: Նրանց ներկայացվեց, թե ինչպես կարելի է արտակարգ իրավիճակներում ձեռքի տակ եղած հնարավոր միջոցներով փրկել քաղաքացիների կյանքը՝ մինչև մասնագիտական բուժօգնության հասնելը։
Դպրոցականներն այց կատարեցին նաև ԵՊԲՀ թանգարան և «ՔՈԲՐԵՅՆ» ուղեղի հիմնարար հետազոտությունների գիտակրթական կենտրոն, որտեղ նրանք հնարավորություն ունեցան հետևելու տարբեր լաբորատորիաների աշխատանքներին:
Ծրագրի ավարտին մասնակիցներին հանձնվեցին հավաստագրեր:
Կարիերայի կենտրոնի կողմից իրականացվող այս ծրագիրի հիմնական նպատակը մասնակիցներին մասնագիտության ընտրության, կողմնորոշման հարցում օգնելն է: