ԵՊԲՀ-ում ապագա բժիշկները շարունակում են ակտիվ մասնակցություն ունենալ բազմաթիվ միջոցառումներին և մրցույթներին՝ իրենց գիտելիքներն ընդլայնելով տարբեր բնագավառներում:
Այս անգամ Ուսանողական խորհրդարանի դեղագիտական ֆակուլտետի ֆակուլտետային խորհրդի կողմից կազմակերպվել էր ներբուհական շախմատի առաջնություն, որի ժամանակ 10 մասնակից կարողացավ եզրափակիչ փուլ անցնել:
Եզրափակիչ փուլում 3 մասնակից կարողացավ լավագույն արդյունքներ գրանցել` գրավելով առաջին երեք հորիզոնականները:
Առաջին երեք տեղերը գրաված մասնակիցներն են Ստոմատոլոգիական ֆակուլտետի ուսանող Հակոբ Հակոբյանը, Դեղագիտական ֆակուլտետի ուսանող Արփինե Գրիգորյանը, Ընդհանուր բժշկության ֆակուլտետի ուսանող Վարազդատ Հարութինյանը:
