ԵՊԲՀ-ում «Առողջապահության մարքեթինգ» թեմայով դասընթացի մասնակիցներն այսօր ստացան ավարտական հավաստագրերը:
Հանրային առողջության ֆակուլտետի դեկան Մարինե Հովհաննիսյանը շնորհավորելով դասընթացի մասնակիցներին կարևորեց ութշաբաթյա դասընթացի արդյունավետությունը՝ հատկապես փորձի փոխանակման տեսանկյունից:
«Փորձում ենք դասընթացին ներգրավվել այնպիսի մասնագետների, ովքեր այս բնագավառում մեծ փորձառություն ունեն»,-ասաց նա ՝ նշելով, որ տրված գիտելիքները թույլ կտան գրագետ ղեկավարում կազմակերպել:
ԵՊԲՀ աշխատակազմի ղեկավարի տեղակալ, «Հերացի» արհեստակցական կազմակերպության նախագահ, դեղագործության կառավարման ամբիոնի դոցենտ Մարթա Սիմոնյանն էլ իր հերթին շնորհավորելով մասնակիցներին նշեց, որ ուրախ կլինի մասնակիցներից լսել դասընթացի առավելությունների և թերությունների մասին, ինչը թույլ կտա ավելի կատարելագործել դասընթացի ճիշտ անցկացումը և լրացնել եղած բացերը:
Մասնակիցները, դասընթացի անցկացման և արդյունավետության մասին տարբեր արձագանքներ հնչեցնելով, կարևորեցին տրամադրված պրակտիկ գիտելիքներն և հմտությունները:
