«ՍՕՍ Մանկական Գյուղեր» հայկական բարեգործական հիմնադրամի Կոտայքի մարզում գործող շուրջօրյա խնամքի հաստատության 9 երեխա, այդ թվում՝ Արցախից հյուրընկալվել են բժշկական համալսարանում։
Դպրոցականները մեծ ցանկություն ունեն ապագայում ընտրել բժշկի մասնագիտությունը։ Աշխատանքի և սոցիալական հարցերի նախարարության «Երազանքի օր» նախաձեռնության շրջանակում բժշկական համալսարանի ուսանողական խորհրդարանի աջակցությամբ երեխաների համար Ստոմատոլոգիական կրթության գերազանցության կենտրոնում կազմակերպվել է շրջայց, այնուհետև փոքրիկ հանդիպում, որտեղ խոսվել է բերանի խոռոչի հիգիենայի մասին։
