«Հերացի» թիվ 1 հիվանդանոցային համալիրը հյուրընկալել էր Տեխասի բժշկական կենտրոնի ռադիոլոգ, ԵՊԲՀ այցելու-պրոֆեսոր Արմեն Քոչարյանին: Վերջինս հանդիպեց բժշկական համալսարանի ուսանողների հետ՝ կիսվելով իր հարուստ փորձով:
Նա ուսանողներին մանրակրկտորեն ներկայացրեց մի շարք նրբություններ ՝ ռադիոլոգի աշխատանքի և անվտանգության կանոնների հետ կապված:
Պրոֆեսորը տպավորված էր հիվանդանոց իր այցով, ինչպես նաև ուսանողների կողմից հնչեցված հարցերով:
Շրջելով «Հերացի» թիվ 1 հիվանդանոցային համալիրով, Արմեն Քոչարյանը ծանոթացավ MRT սարքավորման աշխատանքներին՝ հույս հայտնելով առաջիկայում համագործակցության եզրեր գտնել երկու հիվանդանոցների միջև:
Նա պատրաստակամություն հայտնեց աշխատել ԵՊԲՀ-ի և «Հերացի» թիվ 1 հիվանդանոցային համալիրի հետ:
