Ֆիզիկական դաստիարակության ամբիոնը տասնամյակներ շարունակ աջակցում է ապագա բժիշկներին՝ նրանց ներգրավելով տարբեր միջոցառումների, հանրապետական, քաղաքային, միջբուհական առաջնությունների:
Ամբիոնի դասախոսների խոսքով՝ առողջ ապրելակերպի խրախուսումը առավել քան կարևոր է ապագա բժիշկների համար:
ԵՊԲՀ քոլեջի երրորդ կուրսի ուսանող Էրիկ Կրբաշյանը շարունակում է բժշկությունը համատեղել սպորտի հետ ՝ բազմաթիվ հաջողություններ գրանցելով բադմինտոնի մրցումներում: Առաջին անգամ ուսանողական մարզական 21-րդ խաղերի շրջանակում անցկացվել է բադմինտոնի առաջնություն, որին մասնակցել են 6 բուհի ուսանողներ:
Քոլեջի ուսանողն առաջնությանը գրանցելով լավագույն արդյունքները՝ զբաղեցրել է առաջին հորիզոնականը:
Մարզական ակտիվ գործունեություն ծավալող սովորողը նշում է, որ առաջիկայում ևս ուսմանը զուգահեռ մասնակցելու է այլ մրցումների՝ գրանցած հաջողությունները նվիրելով բուհի 100-ամյա հոբելյանին:
