ԵՊԲՀ ուսանողներ Բուրհան Իլյասն ու Սանոբար Շարիֆը Վրաստանի Բաթումի քաղաքում կայացած Եվրոպայի խորհրդի «Երիտասարդության երկխոսություն 2022» միջոցառմանը ներկայացրին Հայաստանը:
Հնդիկ ապագա բժիշկները Վրաստանի կրթության և մշակույթի նախարարության կողմից հրավիրված էին երիտասարդական գիտաժողովին՝ որպես բանախոսներ։ Ընդհանուր բժշկության ֆակուլտետի 6-րդ կուրի ուսանողները միջոցառման մասնակիցներին պատմեցին Երևանի Մխիթար Հերացու անվան պետական բժշկական համալսարանի, «ՔՈԲՐԵՅՆ» ուղեղի հիմնարար հետազոտությունների գիտակրթական կենտրոնի և «ԴԵՆԴԻ» նյարդավիրաբուժական ակումբի գործունեության մասին:
«Երիտասարդության երկխոսություն 2022» գիտաժողովին յուրաքանչյուր եվրոպական երկիր և արևելյան գործընկեր երկիր ներկայացված էր 2 բանախոսով, ընդհանուր առմամբ՝ 60 մասնակից:
