1932 թվականից լույս տեսնող ՌԴ Ն.Ի. Պիրոգովի անվան ազգային հետազոտական բժշկական համալսարանի թերթում հրատարակվել է հոդված Երևանի Մխիթար Հերացու անվան պետական բժշկական համալսարանի վիրաբուժություն մասնագիտությամբ 2-րդ կուրսի օրդինատոր Գագիկ Թադևոսյանի մասին:
Գագիկը շատ բարդ գործընթաց է հաղթահարել ՌԴ ազգային հետազոտական բժշկական համալսարանում արտասահմանյան պրակտիկա անցնելու հնարավորություն ստանալու համար: «Արտասահմանյան պրակտիկայի ընտրական փուլն անցնելը բարդ էր մրցակցության բարձր մակարդակի պատճառով. պահանջվում էին բարձր գնահատականներ, ռուսերենի գերազանց իմացություն և, ընդհանուր առմամբ, պետք էր լինել գրագետ մասնագետ: Ես հաջողությամբ կատարեցի բոլոր առաջադրանքները, և ինձ ընդունեցին պրակտիկայի ՌԴ ազգային հետազոտական բժշկական համալսարանում՝ «վիրաբուժություն» մասնագիտությամբ: Եթե խոսենք ուսուցման ժամանակահատվածում դժվարությունների մասին, ապա պետք է նշեմ, որ դրանք հիմնականում կապված էին նոր կորոնավիրուսային համավարակի հետ, մնացած հարցերում որևէ դժվարություն չկար. եթե սիրում ես քո մասնագիտությունը, ուրեմն ամեն ինչ կարող ես հաղթահարել», – շեշտում է Գագիկ Թադևոսյանը՝ ավելացնելով, որ պրակտիկայի ընթացքում սովորել է ավելի իրատեսորեն գնահատել սեփական ուժերն ու հնարավորությունները: Արտասահմանյան պրակտիկան, ըստ նրա, մեծ փորձ և ինքնազարգացման բազմաթիվ հնարավորություններ է ընձեռում:
Թերթի ամբողջական տարբերակը այս հղմամբ։