«ՔՈԲՐԵՅՆ» կենտրոնը կհամալրվի նոր սարքով՝ Ուղիղ լազերի և ինֆրակարմիր սպեկտրաչափմամբ քիմիական պատկերման համակարգով:
Մոտ 200 մլն ՀՀ դրամ արժողությամբ սարքը ձեռք է բերվելու ՀՀ գիտության կոմիտեի Գիտական կենտրոնները ժամանակակից սարքավորումներով վերազինելու նպատակով գիտական սարքերի/սարքավորումների գնման հայտերի ընտրության մրցույթի արդյունքում:
Ուղիղ լազերի և ինֆրակարմիր սպեկտրաչափմամբ քիմիական պատկերման համակարգը (Laser direct chemical imaging system) քիմիական պատկերմամբ անալիզի շրջադարձային կարևորություն ունեցող տեխնոլոգիա է:
Ձեռք բերելով այն՝ ՀՀ-ն կդառնա Ուկրաինայից հետո ԱՊՀ երկրորդ պետությունը, որտեղ առկա է նմանատիպ համակարգ: