ԵՊԲՀ կապույտ դահլիճում Կարիերայի զարգացման կենտրոնի Սրտաբանական միության (YCS) և MedExplora-ի համագործակցությամբ անցկացվեց սեմինար, որի նպատակն էր ուսանողներին ծանոթացնել հետազոտության հիմունքներին։
Փետրվարի 12-ին կայացած միջոցառումը նախատեսված էր սկսնակների համար։
Բացման ելույթը վստահված էր Սրտաբանական միության նորընտիր նախագահ Ռիտիկա Ռագուպատիին։ Հանդիպման ընթացքում մասնավորապես անդրադարձ կատարվեց մենթորներ/աշխատանքի ղեկավար գտնելու և հետազոտական ոլորտների ուսումնասիրության հնարավորություններին:
Սեմինարի շրջանակում անցկացվեց նաև փոդքաստ Հասարակագիտական առարկաների ամբիոնի դասախոս, բիոէթիկայի և հետազոտական էթիկայի բնագավառի մասնագետ Հայարփի Սահակյանի հետ, ինչպես նաև ցուցապաստառների ցուցադրություն և տեսահոլովակի դիտում։
Մասնակիցները ստացան վկայականներ։ Նիստն ուղղորդիչ դեր ունեցավ ներկաների՝ հետազոտության ոլորտում առաջին քայլերը կատարելու ճանապարհին:
