Ուսումնական գործընթացի վերսկսումից հետո, բժշկական մայր բուհի ուսանողները կրկին, կրթություն ստանալուն զուգահեռ, ջանք չեն խնայում նպաստելու նաև մշակութային ոլորտի զարգացմանը:
ԵՊԲՀ ուսանողական խորհրդարանի և նորաստեղծ Community in action մշակութային կառույցի հետ համագործակցության շրջանակում, Երևանի Կոմիտասի անվան կոնսերվատորիան ներկայացավ «Աստղազարդ երկինքն իմ գլխավերևում» խորագիրը կրող վոկալ ստեղծագործությունների համերգով ՝ նվիրված Բեթհովենի 250-ամյակին։
Միջոցառման հիմնական նպատակը ոչ միայն բուհում մշակութային կյանքի ակտիվացումն էր, այլև տարբեր համալսարանների միջև կապի, միջբուհական համագործակցության ամրապնդումը: Համերգային ծրագրին ներկա էին նաև Երևանի թատրոնի և կինոյի պետական ինստիտուտի ուսանողները:
Նշենք, որ նման միջոցառումները կլինեն շարունակական:
