Մայիսի 14-ին ԵՊԲՀ համալսարանական հիվանդանոցային համալիրներում և «Միքայելյան» վիրաբուժության ինստիտուտում տեղի ունեցավ «100 տարի` ժողովրդի թիկունքին» ծրագրի շրջանակում կազմակերպված առաջատար մասնագետների հերթական ընդունելությունը:
«Հերացի» թիվ 1 հիվանդանոցային համալիրում կատարվել է 68 անվճար խորհրդատվություն՝ 16%-ով պակաս նախորդ շաբաթվա ցուցանիշից, տրվել է վիրահատության 5 ցուցում (16 նախորդ շաբաթ), այդ թվում ակնաբուժական՝ 4: Առավել շատ խորհրդատվություններ արվել են ակնաբույժի՝ 12, վնասվածքաբանի` 10 և ուրոլոգի կողմից՝ 9: Մարտի 12-ից նշանակված վիրահատական միջամտություններից կատարվել է 65-ը (+9 նախորդ շաբաթվա համեմատ):
«Մուրացան» հիվանդանոցային համալիրում՝ 21 խորհրդատվություն` 5-ով պակաս նախորդ շաբաթվա համեմատ: Առավել շատ խորհրդատվություններ արվել են մանկական ներզատբանի՝ 6 և մանկական ՔԿԱ՝ 4 կողմից:
«Միքայելյան» վիրաբուժության ինստիտուտ՝ 36 խորհրդատվություն, 10-ով ավելին նախորդ շաբաթվա համեմատ, տրվել է վիրահատության 13 ցուցում (2-ով ավելին նախորդ շաբաթվա համեմատ), այդ թվում 3-ական անոթային վիրաբույժի և ՔԿԱ կողմից: Առավել շատ խորհրդատվություններ արվել են թերապևտի՝ 8, և գաստրոէնտերոլոգի՝ 5 կողմից: Ծրագրի մեկնարկից սկսած նշանակված վիրահատական միջամտություններից կատարվել է 84-ը (+9 նախորդ շաբաթվա համեմատ):
Ընդամենը՝ 125 խորհրդատվություն (6%-ով պակաս) և 18 վիրահատության ցուցում (15-ով պակաս):
Ընդհանուր առմամբ` «100 տարի` ժողովրդի թիկունքին» ծրագրի շրջանակում արդեն կատարվել է 1792 խորհրդատվություն, տրվել է 316 վիրահատական միջամտության ցուցում, կատարվել է 158 վիրահատություն (50%), այդ թվում 9 գինեկոլոգիական:
