ՀՀ ԳԱԱ Հ.Աճառյանի անվան լեզվի ինստիտուտը (գործընկերությամբ Երևանի պետական բժշկական համալսարանի և հանրապետության այլ բուհերի) փետրվարի 21-ին կազմակերպել էր Մայրենիի օրվան նվիրված առցանց միջոցառում, որի ընթացքում հայերենը ներկայացավ տարածաժամանակային բազմազանությամբ (գրաբար, միջին հայերեն, գրական արևելահայերեն, գրական արևմտահայերեն, բարբառներ):
Հնչեցին խոսքի նմուշներ նաև այլ լեզուներով:
Միջոցառմանը մասնակցեցին գիտաշխատողներ, դասախոսներ, մանկավարժներ, սովորողներ Հայաստանի Հանրապետությունից, Արցախի Հանրապետությունից, Սփյուռքից:
Տեսակապի միջոցով առցանց հանդիպմանը 1:01 րոպեից միացավ նաև Հայոց լեզվի և բժշկական տերմինաբանության ամբիոնը` վարիչ Հենրիետա Սուքիասյանի և ապագա բժիշկների մասնակցությամբ:
ԵՊԲՀ սովորողները տարբեր լեզուներով ողջունեցին մասնակիցներին` ներկայացնելով հնդկերեն, պարսկերեն, արաբերեն լեզուներից պատառիկներ:
Իրանցի ապագա բժիշկ Ամիրփաշա Կամրուզը, որը նախկինում ևս գեղեցիկ ելույթներով է հանդես եկել համալսարանական տարբեր նախաձեռնություններում առցանց «Հորովել» կատարեց: