Բժշկական համալսարանի սիրելի աշխատակիցներ, շնորհակալ եմ բոլորիդ ձեր անձնվեր, յուրահատուկ ու պիտանի աշխատանքի համար, դուք անդադար աշխատում եք հանուն առողջության։
Սիրելի՛ բժիշկներ, բուժքույրեր, ավագ և կրտսեր գործընկերներ բառերով դժվար է նկարագրել ձեր աշխատանքի բարդությունները։ Պարզապես իմ երախտիքի խոսքն եմ ուզում հղել այն բժիշկներին, բուժքույրերին ու մայրապետներին, ոլորտում աշխատող մեր գործընկերներին, ովքեր, բարձր պահելով Բժշկի պատիվը, անմնացորդ նվիրումով անդադար ու անտրտուն կատարում են աստվածահաճո իրենց առաքելությունը:
Չկասկածեք, վստահ եղեք, որ յուրաքանչյուրիդ ամենօրյա բարեխիղճ աշխատանքը կարևոր ներդրում է բնակչության առողջության պահպանման գործում:
Ամենակարևորը՝ եղեք առողջ և գնահատված:
ԵՊԲՀ ռեկտոր, պրոֆեսոր Արմեն Մուրադյան