Մեկնարկել է ՅՈՒՆԵՍԿՕ-ի և Չինաստանի Ժողովրդական Հանրապետության կառավարության կողմից տրամադրվող «Չինական մեծ պարիսպ» կրթաթոշակների համար հայտերի ընդունման գործընթացը:
2026-2027 ուսումնական տարում ընտրված դիմորդներին կտրամադրվի կրթաթոշակ` ՉԺՀ համալսարաններում ուսանելու և գիտահետազոտական աշխատանք կատարելու համար:
Կրթաթոշակները նախատեսված են ուսանողների և հետազոտողների համար՝ ՉԺՀ համալսարաններում տարբեր ոլորտներում մեկամյա բուհական կամ հետբուհական կրթություն ստանալու նպատակով: Դասընթացներն անցկացվում են անգլերեն կամ չինարեն: Յուրաքանչյուր երկիր կարող է ներկայացնել առավելագույնը 2 թեկնածություն` հաստատված ՅՈՒՆԵՍԿՕ-ի ազգային հանձնաժողովի կողմից: Կազմակերպիչների կողմից խրախուսվում է կին դիմորդների մասնակցությունը ծրագրին:
Վերջիններիս մասնակցության չափանիշների, տևողության և հայտերի ներկայացման ընթացակարգերի վերաբերյալ մանրամասն տեղեկատվությանը կարելի է ծանոթանալ կցվող ուղեցույցից: