«Բուժօգնության որակի ապահովման հիմունքներ և բժշկական ծառայությունների կառավարման հարակից հարցեր» ՀԵՌԱՎԱՐ (ZOOM հարթակով) հավաստագրային դասընթացի ընդունելություն

Երևանի Մխիթար Հերացու անվան պետական բժշկական համալսարանի Հանրային առողջության ֆակուլտետի կողմից իրականացվում է «Բուժօգնության որակի ապահովման հիմունքներ և բժշկական ծառայությունների կառավարման հարակից հարցեր» թեմայով ՀԵՌԱՎԱՐ (ZOOM հարթակով) ինտենսիվ ծրագիր հանդիսացող դասընթացը:

Կառավարության 2025 թվականի 24 հուլիսի  N 1010-Ն որոշումով  հաստատվել է լիցենզավորման կարգերում նոր պահանջ` ԲԿ-ներում որակի պատասխանատու ունենալու վերաբերյալ: Համաձայն այդ որոշման` որակի ապահովման պատասխանատուներ են համարվում` վերջին 5 տարվա ընթացքում Առողջապահական ծառայությունների որակի բարելավման և անվտանգության վերաբերյալ թեմաներով առնվազն 50 ՇՄԶ կրեդիտ ձեռք բերած հետևյալ անձինք`

1) ավագ բուժաշխատողը.

2) բակալավրի ծրագրով իրականացված մասնագիտական կրթություն ունեցող միջին բուժաշխատողը.

3) «Հանրային առողջություն և առողջապահություն» մասնագիտացմամբ մագիստրոսի կրթական աստիճան ունեցող կամ «Առողջապահության կառավարում և վարչարարություն» մասնագիտացմամբ մագիստրոսի կրթական աստիճան ունեցող կամ «Առողջապահության կազմակերպում և կառավարում» մասնագիտացմամբ բարձրագույն կրթություն ունեցող անձը:».

«Բուժօգնության որակի ապահովման հիմունքներ և բժշկական ծառայությունների կառավարման հարակից հարցեր» թեմայով ՀԵՌԱՎԱՐ (ZOOM հարթակով)  հավաստագրային դասընթացի նպատակն է ավագ բուժաշխատողներին տրամադրել բուժծառայությունների որակի բարելավման, բժշկական ծառայությունների կառավարման խնդրի վերլուծության վերաբերյալ գիտելիքներ և գործնական հմտություններ: Դասընթացում ներառված են նաև որակի պատասխանատուների գործառույթները և որակի գործիքների կիրառման մանրամասները:

Ծրագրի բովանդակությունը

1. Բուժօգնության որակի հիմնական սկզբունքները
2. Որակի պլանավորումը բժշկական հաստա­տությունում
3. Բուժօգնության որակի չափորոշիչներ, ցուցանիշեր, չափանիշեր և դրանց վերլուծության նեթոդներ
4. Գործունեության բարելավման մոդելներ և «գործիքներ»
5. Բուժառուների անվտանգություն և ռիսկերի կառավարում
6. Բուժառուների իրավունքներ և բժշկական էթիկա
7. ՀՀ նորմատիվ ակտերով պարտադիր ներդրման համար սահմանված բուժօգնության որակի բարելավման գործիքներ
8. ՀՀ-ում գործող և մշակվող, որակին առնչվող իրավական / նորմատիվ ակտեր
9. Բուժօգնության անվտանգության միջազգային սկզբունքներ և մոտեցումներ
10. Առողջության ապահովագրական համակարգի համատեքստում՝ բուժօգնության որակի բարելավման հարցեր
11. Թիմային աշխատանք և կոնֆլիկտների լուծում
12. Փոփոխության արդյունավետ կառավարումը՝ բուժօգնության որակի բարելավման միջոց
13. Բուժօգնության որակի ապահովման ներկազմակերպական կառուցվածքը

Ծրագրի ավարտին տրամադրվում է հավաստագիր հաստատված ԵՊԲՀ-ի և ՀՀ ԱՆ-ի կողմից և ՇՄԶ 51 տեսական կրեդիտ:

Մանրամասներ

• Տևողություն`2026թ. մարտի 30-ից – մայիսի 07-ը
• Դասերի օրերը`երկուշաբթի, չորեքշաբթի և հինգշաբթի՝ 18:00-21:00
• Մասնակիցների քանակը`մինչև 25
• Դասավանդման լեզուն`հայերեն
• Արժեքը՝ 50․000 ՀՀ դրամ (ԵՊԲՀ աշխատակիցների, ԵՊԲՀ շրջանավարտների, օրդինատորների և Հանրային առողջության ֆակուլտետի մագիստրոսական ծրագրի ուսանողների համար՝ 30.000 ՀՀ դրամ)

Թիրախային լսարան

• Բուժհաստատությունների ղեկավարներ և տնօրեններ
• Բուժ անձնակազմ
• Հասարակայնության հետ կապերի պատասխանատուներ

Անհրաժեշտ փաստաթղթերի ցանկ՝ 

• Անձնագիր (բնօրինակը և պատճենը)
• Դիպլոմ (բնօրինակը և պատճենը)
• Աշխատանքի վայրից տեղեկանք (աշխատանքի առկայության դեպքում):

Ընդունելության գործընթաց

Դիմումների ընդունում՝ 12.03.2026 –30.03.2026

Հարցերի դեպքում դիմել ԵՊԲՀ հանրային առողջության ֆակուլտետի դեկանատ (Վարչական մասնաշենք, 3-րդ հարկ):

Հեռ: 010 301 000 (ներքին համար`308); 091 837 212: