ԵՊԲՀ-ին սեփականության իրավունքով պատկանող ներքոնշյալ շարժական գույքի բաց դասական եղանակով աճուրդ

ՀՐԱՊԱՐԱԿԱՅԻՆ ԾԱՆՈՒՑՈՒՄ 

2026 ԹՎԱԿԱՆԻ ՄԱՅԻՍԻ 29-ԻՆ ԺԱՄԸ 12։00-ԻՆ ԵՐԵՎԱՆ ՔԱՂԱՔԻ ԿՈՐՅՈՒՆԻ 2 ՀԱՍՑԵՈՒՄ ԳՏՆՎՈՂ «ԵՐԵՎԱՆԻ ՄԽԻԹԱՐ ՀԵՐԱՑՈՒ ԱՆՎԱՆ ՊԵՏԱԿԱՆ ԲԺՇԿԱԿԱՆ ՀԱՄԱԼՍԱՐԱՆ» ՀԻՄՆԱԴՐԱՄԻ ՎԱՐՉԱԿԱՆ ՄԱՍՆԱՇԵՆՔԻ ԵՐԿՐՈՐԴ ՀԱՐԿԻ ՆԻՍՏԵՐԻ ԴԱՀԼԻՃՈՒՄ ՏԵՂԻ ԿՈՒՆԵՆԱ ԵՊԲՀ-ԻՆ ՍԵՓԱԿԱՆՈՒԹՅԱՆ ԻՐԱՎՈՒՆՔՈՎ ՊԱՏԿԱՆՈՂ ՆԵՐՔՈՆՇՅԱԼ ՇԱՐԺԱԿԱՆ ԳՈՒՅՔԻ ԲԱՑ ԴԱՍԱԿԱՆ ԵՂԱՆԱԿՈՎ ԱՃՈՒՐԴ, ԵՐԿՈՒ ԼՈՏՈՎ

Երևանի Մխիթար Հերացու անվան պետական բժշկական համալսարանի (ԵՊԲՀ) «Գույքի տնօրինման կարգի» պայմաններին համապատասխան` աճուրդին մասնակցելու համար պետք է ներկայացվի`

1) Աճուրդին մասնակցելու հայտ,

2) Անձը հաստատող փաստաթղթի պատճենը, իրավաբանական անձանց և անհատ ձեռնարկատերերի դեպքում՝ ՀՀ պետական ռեգիստրում գրանցումը հավաստող փաստաթղթի պատճենը և աճուրդի մասնակցության հայտը ներկայացնող անձի լիազորությունները հաստատող փաստաթուղթ,

3) Լոտի մեկնարկային գնի 5 տոկոսի չափով նախավճարի վճարման անդորրագիր։ Նախավճարը պետք է վճարվի «Երևանի Մխիթար Հերացու անվան պետական բժշկական համալսարան» հիմնադրամի «ԱՄԻՕ բանկ» ՓԲԸ-ի թիվ 11500166513800 հաշվեհամարին` նշելով «ԵՊԲՀ աճուրդի մասնակցության նախավճար» բառերը։

Հայտերի ընդունման վերջնաժամկետն է՝ 2026 թվականի մայիսի 28-ը, ժամը 16.00: Աճուրդին մասնակցել ցանկացող անձանց հայտերն ընդունվում են ԵՊԲՀ Գույքային հարցերի հանձնաժողովում` ՀՀ, Երևան ք., Կորյունի 2 հասցեում, հեռ. 010301040:

Աճուրդը կկայանա` 2026 թվականի մայիսի 29-ին, ժամը 12.00-ին:

Աճուրդում հաղթող ճանաչված մասնակիցը պետք է` ստորագրի ԵՊԲՀ աճուրդի արդյունքների մասին արձանագրությունը և 10 օրվա ընթացքում վճարի գույքի աճուրդում իր կողմից առաջարկված գինը՝ հաշվանցելով մուծված նախավճարի գումարը: Գումարը սահմանված ժամկետում չվճարելու դեպքում աճուրդը կճանաչվի չկայացած և նախավճարի գումարը մասնակցին հետ չի վերադարձվի:

Աճուրդում հաղթող չճանաչված մասնակիցների վճարված նախա­վճարները 3 աշխատանքային օրվա ընթացքում վերադարձվում է:

ԵՊԲՀ ԳՈՒՅՔԱՅԻՆ ՀԱՐՑԵՐԻ ՀԱՆՁՆԱԺՈՂՈՎ