ԵՊԲՀ գիտության գծով պրոռեկտոր, ՔՈԲՐԵՅՆ կենտրոնի գլխավոր գիտաշխատող, պրոֆեսոր Կոնստանտին Ենկոյանը Նորարարությունների մրցակցային հիմնադրամի կողմից ֆինանսավորվող ԵՊԲՀ «Ուղեղի վիզուալիզացիայի լաբորատորիա» դրամաշնորհային ծրագրի շրջանակում նոյեմբերի 20-26-ը ճանաչողական այց է կատարել Շվեյցարիայի մի քանի համալսարանների նորագույն սարքավորումներով հագեցած լաբորատորիաներ:
Գիտական հետազոտությունների մեջ շվեյցարական մանրադիտակի և պատկերավորման հաջողություններին մեկշաբաթյա ծանոթանալը գերհագեցնող փորձառություն է եղել:
Օր 1 Ցյուրիխի համալսարանի մանրադիտակի և պատկերի վերլուծության կենտրոնում, ի թիվս բազմաթիվ համակիզակետ և ֆլուորեսցենտային մանրադիտակների, պրոֆեսոր Ենկոյանը դոկտոր Անդրես Կեյչի ուղեկցությամբ ծանոթացել է Նոբելյան մրցանակի առիթ հանդիսացող բարդ կրիոսկանավորման էլեկտրոնային մանրադիտակի հետ:
Օր 2 Մյուս Նոբելյան ուշադրության արժանացած սարքին պրոֆեսորը ծանոթացել է Բազելի համալսարանի Բիոկենտրոնում Օլիվեր Բիլմայերի հետ հանդիպման շրջանակում. առաջադեմ հետազոտությունների նորագույն ենթակառուցվածք, որտեղ հասկանալի է դառնում լուսային մանրադիտակի կարևորությունը կենսագիտության մեջ:
Օր 3 Շվեյցարիայի մայրաքաղաքը երևանյան հյուրին ողջունեց բնորոշ ճշգրտությամբ, արհեստավարժությամբ և, ամենակարևորը, ընկերասիրությամբ: Բեռնի համալսարանի մանրադիտակային պատկերավորման կենտրոնը իրականում առաջադեմ հետազոտամետ հաստատություն է, սակայն «ավելի քան համեստ» է ներակայանում գիտական հանրությանը: Համալսարանում իրականացրած բազմաթիվ հանդիպումներից հետո վստահություն առաջացավ, որ Բեռնի և Երևանի միջև գիտական համագործակցությունն արդեն հաստատվել է։
Օր 4 Ժնևի Ուիս ինովացիոն կենտրոնում Լաուրա Բատին և Ռոբերտո Մարտուցին պատմել են, թե ինչպես են համադրվում մագնիսառեզոնանսային պատկերման տեխնոլոգիան, վիրտուալ իրականությունը և ուղեղի նման մեծ փորձանմուշների պատկերման իդեալական մեթոդները: Այցի շրջանակում շեշտ էր դրվել ոչ միայն հետազոտական կարողություններին, այլ նաև կրթական և մենեջերական հարցերին, թե ինչպես կրթել այս կարգի մասնագետներին, և հասկանալ նմանատիպ կենտրոնների աշխատելու սկզբունքները: Շնորհակալություն Բերնի համալսարանի Լույսի մանրադիտակային պատկերման բաժնի դոկտոր Յուրի Բելյաևին Շվեյցարիայի ամբողջ այցը կազմակերպելու համար: Այց կնպաստի ԵՊԲՀ-ում ժամանակակից մանրադիտակի, բջջային հաշվարկման և վիրտուալ իրականության համադրմամբ ուղեղի վիզուալիզացիայի լաբորատորիայի հիմնադրման աշխատանքների մեկնարկին, որը հետագայում թույլ կտա վերծանել ուղեղի բջջային ճարտարագիտություն: Նշենք, որ պրոֆեսոր Ենկոյանի այցը լուսաբանվել է նաև Բերնի Համալսարանի կայք էջում:
