ԵՊԲՀ-ի կլինիկական ալերգոլոգիայի ամբիոնի դոցենտ, «Միքայելյան» համալսարանական հիվանդանոցի ալերգոլոգ Սոնա Հարությունյանը հոկտեմբերին դասախոսել է Իսպանիայի Սանտյագո դե Կոմպեստելայի համալսարանում Erasmus+ ծրագրի շրջանակում։
Համալսարանականը բժշկագիտական լայն լսարանին է ներկայացրել ալերգոլոգիայի և կլինիկական իմունոլոգիայի առավել կարևոր, արդիական և հետաքրքիր թեմաները։
Սոնա Հարությունյանի փոխանցմամբ` դասախոսությունները ռեզիդենտների համար անցել են լսարանային ձևաչափով, բժիշկների համար՝ ինտերակտիվ, իսկ ուսանողների համար փոքր խմբերով։
Մասնագետը կարևորում է նմանօրինակ փորձի փոխանակումը, ինչը հնարավորություն է տալիս զարգացած երկրների գիտապրակտիկ փորձը կիրառել հայրենիքում:
«Գիտական տեսակետից այն տալիս է մեծ հնարավորություն` դառնալ միջազգային գիտական մտքի մասնիկը:
Նման միջոցառումներին մասնակցությունը հնարավորություն է ստեղծում զարգացնելու միջբուհական համագործակցությունը կլինիկական ալերգոլոգիայի ոլորտում»,-ասում է դասախոսը:
