Միացյալ Նահանգների Նևադա նահանգի Լաս Վեգաս քաղաքում նոյեմբերի 10-ից 12-ը տեղի ունեցավ Հայ-ամերիկյան բժշկական ասոցիացիայի (Armenin American Medical Society – AAMS) 19-րդ ամենամյա CME & CDE AAMS Viva Las Vegas համաժողովը, որի ընթացքում ներկայացվեցին ոլորտի հայտնի փորձագետների մասնագիտական զեկույցները:
Շարունակական կրթության այս առաջատար նախաձեռնությանը որպես հատուկ հրավիրված բանախոս մասնակցում էր նաև Երևանի պետական բժշկական համալսարանի ռեկտոր, պրոֆեսոր Արմեն Մուրադյանը։
Բժշկության և դեղագործության ամերիկահայ պրոֆեսոր, օստեոպորոզի դեմ պայքարի առաջադեմ մասնագետ, բժիշկ Ջոն Բիլեզիկյանը, որը նախկինում արժանացել է AAMS Lifetime Achievement մրցանակին, նույնպես միացել էր փորձագետ-բանախոսների խմբին:
Կոնֆերանսի ավարտին Հայ-ամերիկյան բժշկական ասոցիացիան իր հարգանքի հավաստիքը հայտնեց բանախոսներին՝ միջոցառմանն ակնառու ներդրման համար: Յուրաքանչյուր բանախոս արժանացավ հատուկ գնահատանքի՝ իր ժամանակն ու փորձը տրամադրելու համար:
