«Հերացի» ավագ դպրոցի փայլուն հաջողությունը Կիրառական կենսաբանության միջազգային օլիմպիադայում

ԵՊԲՀ «Հերացի» ավագ դպրոցի 6 աշակերտ, հաջողությամբ հաղթահարելով Կիրառական կենսաբանության միջազգային օլիմպիադայի (International Applied Biology Olympiad – IABO) քառորդ եզրափակիչ և կիսաեզրափակիչ առցանց փուլերը, իրավունք ստացավ մասնակցելու եզրափակիչ փուլին։

Օլիմպիադան անցկացվել է 2025 թ. հունիսի 27-30-ը՝ Ինդոնեզիայի Դենպասար քաղաքում։ Չվերթների չեղարկման պատճառով «Հերացի» ավագ դպրոցի թիմը չկարողացավ մեկնել Ինդոնեզիա, սակայն կազմակերպիչների աջակցությամբ մեր աշակերտները մասնակցեցին առցանց ձևաչափով։

Չնայած տեխնիկական դժվարություններին (մրցույթը սկսվել է Երևանի ժամանակով առավոտյան ժամը 05։00-ին), մեր աշակերտները ցուցաբերեցին փայլուն արդյունք՝

• նվաճելով 5 ոսկե,
• 1 արծաթե մեդալ,
• իսկ մեկ աշակերտ՝ օլիմպիադայի գլխավոր մրցանակը։

Հաղթողների անունները՝

Գառնիկ Ծատուրյան, 11-րդ դասարան – Ոսկե մեդալ և Գլխավոր մրցանակ

Կամո Վարոսյան, 11-րդ դասարան – Ոսկե մեդալ

Մանե Դոխոյան, 11-րդ դասարան – 🥇 Ոսկե մեդալ

Ստելլա Բադալյան, 11-րդ դասարան – 🥇 Ոսկե մեդալ

Վերոնիկա Օհանյան, 11-րդ դասարան – 🥇 Ոսկե մեդալ

Հովհաննես Սարգսյան, 11-րդ դասարան – 🥈 Արծաթե մեդալ

Թիմի կազմում ընդգրկված էր նաև ԵՊԲՀ քոլեջի առաջին կուրսի ուսանող Ալբերտ Մարգարյանը, որը արժանացել է 🥉 բրոնզե մեդալի։

Հատուկ շնորհակալություն ենք հայտնում խմբակի ղեկավար և օլիմպիական թիմի մարզիչ՝ ԵՊԲՀ ընդհանուր բժշկության ֆակուլտետի 4-րդ կուրսի ուսանող Գևորգ Ավանեսյանին։

Նշենք, որ Հայաստանից մասնակցել է 21 սովորող, որոնք նվաճել են ընդհանուր առմամբ
🥇 5 ոսկե,
🥈 9 արծաթե,
🥉 7 բրոնզե մեդալ,

իսկ բոլոր ոսկե մեդալակիրներն ուսանում են հենց ԵՊԲՀ «Հերացի» ավագ դպրոցում։