Կայքը դեռ գտնվում է փորձարկման փուլում։
The site is still under testing.

Հետազոտական հմտությունների զարգացման դասընթացի տեղեկատվական հանդիպում

Հետազոտական հմտությունների զարգացման դասընթացի տեղեկատվական հանդիպում

Տեղի ունեցավ ԵՊԲՀ «ՔՈԲՐԵՅՆ» գիտելիքի և տեխնոլոգիաների փոխանցման գրասենյակի կողմից իրականացվող հետազոտական հմտությունների զարգացման դասընթացի տեղեկատվական հանդիպումը:

ԵՊԲՀ գիտության գծով պրոռեկտոր, «ՔՈԲՐԵՅՆ» կենտրոնի գլխավոր գիտաշխատող Կոնստանտին Ենկոյանը կարևորեց նմանատիպ ծրագերին ոլորտի մասնագետների մասնակցությունը և նշեց՝ աշխատելով ակադեմիական միջավայրում պետք է ունենալ հետազոտություն իրականացնելու համապատասխան գիտելիք և հմտություններ:

Գիտելիքի և տեխնոլոգիաների փոխանցման գրասենյակի պատասխանատու Մարիամ Մովսիսյանի խոսքով՝ ծրագիրը հագեցած է լինելու բժիշկներին և հետազոտողներին անհրաժեշտ հետազոտական հմտությունների զարգացման համար ամբողջական գործիքակազմով և լինելու է շարունակական:

Տեղեկատվական հանդիպմանը հրավիրված էր Առողջապահության համաշխարհային կազմակերպության փորձագետ Ռոնի Զաքարիան (PhD):

Դասախոսության ընթացքում մասնագետը խոսեց կիրառական հետազոտությունների գործածության և կարևորության մասին:
Դասընթացը տևելու է երեք ամիս՝ հայերենով և անգլերենով, որի ընթացքում հետազոտական ոլորտի մասնագետների կողմից մասնակիցները կխորացնեն իրենց հետազոտական հմտությունները:

Հավելենք, որ արդեն շատ դիմորդներ են գրանցվել: Մասնակիցների ընտրության առաջնահերթությունը տրվելու է դասախոսներին, բժիշկներին և երիտասարդ մասնագետներին:

Հարգելի՛ դիմորդներ, խնդրում ենք ստուգել ձեր էլեկտրոնային հասցեն, մեզնից նամակ չստանալու կամ հարցերի դեպքում գրեք cobrainarmenia@gmail.com էլ. հասցեին։

Դասընթացը նպատակ ունի նաև խրախուսել իգական սեռի ներկայացուցիչների ներգրավվածությունը ԲՏՃՄ (STEM) ոլորտում, մասնավորապես՝ ուղեղի հետազոտություններում: