Կայքը դեռ գտնվում է փորձարկման փուլում։
The site is still under testing.

Մեկնարկեց «ԵՊԲՀ ռեկտորի գավաթ» մինի ֆուտբոլի մրցաշարը

Մեկնարկեց «ԵՊԲՀ ռեկտորի գավաթ» մինի ֆուտբոլի մրցաշարը

ԵՊԲՀ ֆիզիկական դաստիարակության ամբիոնը շարունակում է ապագա բժիշկներին ներգրավվել տարբեր սպորտաձևերում՝ ֆիզիկական ակտիվությունն ու առողջ ապրելակերպը կարևորելով բուհում:

Հոկտեմբերի 17-ին մեկնարկեց «ԵՊԲՀ ռեկտորի գավաթ» մինի ֆուտբոլի մրցաշարը, որին մասնակցում էր 20 թիմ՝ 200 մասնակիցներով: 

Նախքան մրցաշարի մեկնարկը, ԵՊԲՀ ռեկտոր Արմեն Մուրադյանը հապագա բժիշկներին՝ ազնիվ մրցակցություն և հաջողություններ ցանկացավ:

«Ցանկանում եմ ձեզ ակտիվ և արդար մրցակցություն: Ձեր պայքարում թող հաղթի ամենաուժեղն ու պատրաստվածը»,-նշեց բուհի ղեկավարը: 

Այնուհետև ցուցադրական ելույթներով հանդես եկան ակրոբատիկայի, գեղարվեստական մարմնամարզության,սպորտային պարերի և բռնցքամարտի հրավիրված մարզիկներ: Շքերթը ղեկավարում էր Ֆիզիկական դաստիարակության ամբիոնի դասախոս Նելլի Սարգսյանը: 

Ֆիզիկական դաստիարակության ամբիոնի վարիչ Հարություն Թամիրյանը նշեց, որ մեկնարկը հանդիասավոր էր, եզրափակիչ խաղը կանցկացվի հոկտեմբերի 26-ին, լավագույն թիմերը կպարգևատրվեն ռեկտորի գավաթով, մեդալներով, դիպլոմներով: 

«Առաջին օրն անցավ թեժ պայքարում, ուժեղագույն թիմեր ենք արդեն նկատում»,-ասաց նա՝ հավելելով,որ մրցումները լինելու են շարունակական, հետագայում նաև կանցկացվի շախմատի և վոլեյբելի առաջնություն: