Մանկաբուժության թիվ 1 ամբիոնում անցկացվեց օտարերկրացի կլինիկական օրդինատորների մասնակցությամբ հերթական զեկուցումը։
Այս անգամ զեկուցման թեման վերաբերում էր երեխաների մոտ մակերիկամների կեղևի դիսֆունկցիային։
Ներկայացնում էր ազգությամբ հնդիկ, երկրորդ կուրսի կլինիկական օրդինատոր Աառթի Սուբրամանիան Ռավիչանդիրան:
Նմանատիպ միջոցառումներն ամբիոնում անցկացվում են յուրաքանչյուր շաբաթ։
«Այստեղ սովորում է 6 անգլալեզու կլինիկական օրդինատոր, իսկ սեմինարներին մասնակցում են համալսարանական հիվանդանոցի բոլոր օրդինատորները, այսինքն՝ և՛ ինֆեկցիոնիստներ, և՛ ռեանիմատոլոգներ, և՛, իհարկե, մանկաբույժներ»,- մանրամասնում է Մանկաբուժության թիվ 1 ամբիոնի վարիչ, «Մուրացան» հիվանդանոցի Մանկաբուժության թիվ 1 կլինիկայի ղեկավար, պրոֆեսոր Կարինե Սիմոնյանը` կարևորելով ապագա մասնագետների ակտիվ ներգրավվածությունը ոչ միայն կլինիկական, այլև գիտական աշխատանքներում:
