«Առողջապահության բնագավառի իրավական կարգավորումների արդի հիմնահարցերը» խորագրով կրեդիտավորված քառօրյա անվճար դասընթացների շարքն ամփոփեց աշխատանքները այս անգամ «Մուրացան» հիվանդանոցային համալիրի բուժաշխատողների համար:
Դասընթացի շրջանակում երկու թեմայով դասախոսեց բժշկական բուհի Առողջապահական իրավունքի խմբի վարիչ, Իրավաբանական բաժնի պետ Մելիք Սողոմոնյանը, Առողջապահական ծրագրերի ազգային գիտահետազոտական կենտրոնի ղեկավար, Հանրային առողջության և առողջապահության կազմակերպման ամբիոնի ավագ դասախոս Դավիթ Մելիք-Նուբարյանը և Առողջապահական իրավունքի խմբի դասախոս, դոցենտ Նաիրա Զոհրաբյանը:
Մասնագետները կարևորում են նման միջոցառումների անցկացումը, որը թույլ կտա բուժաշխատողներին ծանոթանալ, իրազեկվել իրավական կարգավորումներին՝ հնարավորինս կանխելով բժշկական պրակտիկայում ծագող բազմաթիվ խնդիրներ:
Նշենք, որ հաջորդ քառօրյա դասընթացի շարքը «Միքայելյան» համալսարանական հիվանդանոցի բուժաշխատողների համար է անցկացվելու:
