Երևանի Մխիթար Հերացու անվան պետական բժշկական համալսարանի քոլեջը միջին մասնագիտական կրթություն իրականացնող հաստատություն է, որը գործում է ԵՊԲՀ կազմում:
750 սովորող ունեցող հաստատությունն այժմ կրթություն է տրամադրում 6 ուղղությամբ։ Քոլեջում ընդունելությունը կազմակերպվում է մրցութային ընթացակարգով։
Քոլեջը վերանորոգումից և վերազինումից հետո նոր տեղակայում ունի` Կենտրոնական մասնաշենքի առաջին հարկում:
Կառույցի առաջնային նպատակն է պատրաստել այնպիսի մասնագետներ, ովքեր իրենց մասնագիտությամբ աշխատելու համար հետագայում չեն ունենա անհատական ուսուցման անհրաժեշտություն և ձեռք կբերեն աշխատանքային փորձ սկսած ուսանողական տարիներից: Այդ նպատակին հասնելու համար կարևորում ենք համագործակցությունը առաջադեմ մասնագետների և տեխնիկապես հագեցած լաբորատորիաների հետ, ովքեր պատրաստ կլինեն վերափոխել ուսումնական գործընքացը ի շահ ուսանողների մասնագիտացման:
