Նորություններ

ԵՊԲՀ երեք՝ «Հերացի», «Մուրացան» և «Միքայելյան» համալսարանական հիվանդանոցի 2025 թվականի գործունեության հաշվետվությունը և նշված ժամանակահատվածում երեք բուժհաստատության առջև դրված խնդիրների կատարողականը, Կլինիկական աշխատանքների գծով պրոռեկտոր, պրոֆեսոր Արմեն Մինասյանի զեկուցմամբ, ներկայացվեց Գիտական խորհրդի նիստում։ 

Իմունականխարգելման եվրոպական շաբաթվա շրջանակում ապրիլի 28-ին «Պատվաստանյութերն աշխատում են յուրաքանչյուր սերնդի համար» թեմայով համաժողովը բժշկական համալսարանի տանիքի ներքո էր համախմբել բժիշկ-համաճարակաբաններին, բժիշկ-մանրէաբաններին, վարակաբաններին, ընտանեկան բժիշկներին, թերապևտներին, մանկաբույժներին, հանրային առողջության և առողջապահության մասնագետներին, ինչպես նաև բուժքույրերին:

Ապագա բժիշկները՝ ԵՊԲՀ ռեկտոր Արմեն Մուրադյանի, բուհի պրոֆեսորադասախոսական կազմի ուղեկցությամբ, այցելեցին Հայոց ցեղասպանության զոհերի հիշատակին նվիրված հուշահամալիր։

Բժշկական մայր բուհում շարունակվում է Կարիերայի կենտրոնի նախաձեռնած «Մասնագետ» ծրագիրը, որի նպատակն է օգնել դպրոցականներին առավել հստակ պատկերացնել իրենց ապագա մասնագիտական ուղին։

Հանրային առողջության ֆակուլտետում անցկացվեց բաց դռների օր՝ նվիրված հանրային առողջապահության մագիստրոսական ծրագրերի ներկայացմանը։

«Հերացի» համալսարանական հիվանդանոցն ապրիլի 21-ին համախմբել էր հայ և ֆրանսիացի մասնագետներին  էլեկտրամիոգրաֆիային (ԷՄԳ) նվիրված արդեն 10-րդ աշխատաժողով-սեմինարի շրջանակում:

«Հեռացրե՛ք շորերը տուժածի կրծքավանդակից». սա հայալեզու դեֆիբրիլյատորի հրահանգներից է: Շարունակվում են բժշկական համալսարանի՝ մասնավորապես ԵՊԲՀ շտապ օգնության և աղետների բժշկության ամբիոնի, ինչպես նաև «Հենար» հիմնադրամի համատեղ ջանքերով՝ առաջին բուժօգնության BLS (Basic Life Support) դասընթացները, որոնց շրջանակում գործարկվել է հայալեզու դեֆիբրիլյատորը:

Հայկանուշ Խաչատուրյանն ընդունվել է Երևանի պետական բժշկական համալսարան 2018 թվականին՝ Ընդհանուր բժշկության ֆակուլտետ, գերազանցությամբ ավարտել այն 2024 թվականին։