Կարդալ սկզբնաղբյուրում
08/03/2019Երևանի պետական բժշկական համալսարանում «Մշակույթն ապագա բժիշկներին» ծրագրի անդրանիկ համերգը մեկնարկեց «Կադանս» անսամբլի ելույթով: Մշակույթի և արվեստի շնչով լցված դահլիճը բուռն ծափողջյունով գնահատեց յուրաքանչյուր կատարում. համերգին հնչեցին Ա. Պիացոլլայի, Կոմիտասի, Սայաթ Նովայի, Ա. Խաչատրյանի, Է. Բաղդասարյանի, Տ. Գրիգորյանի, Վ. Րիոսի, Մ. Հերերայի, Հ. Պասկոլայի, Հ. Ստամպոնիի, Ր. Գալյանոյի, Ռ. Անզովինոյի ստեղծագործությունները:
ԵՊԲՀ ստոմատոլոգիական ֆակուլտետի 2-րդ կուրսի 258 խմբի ուսանողներ Դավիթ Մակյանն ու Անիտա Մակյանը մարտի 2-ին մասնակցել են Հայաստանի կարատեի ազգային ֆեդերացիայի կողմից անցկացվող Մեծահասակների Կարատեի Հայաստանի 31-րդ առաջնությունը: Ապագա բժիշկները դարձել են Հայաստանի չեմպիոններ՝ Դավիթ Մակյանը 75 կգ քաշային և Անիտա Մակյանը 68 կգ քաշային կարգերում:
Տեսական գիտելիքները գործնականում կիրառելը բժշկական համալսարանում ուսումնառության գործընթացի անքակտելի մասն է։ ԵՊԲՀ ներքին հիվանդությունների պրոպեդևտիկայի ամբիոնի ասիստենտ և ուսումնական մասի պատասխանատու, սրտաբանության ամբիոնի ասպիրանտ Անի Ռափյանը բուհի այն շրջանավարտներից է, ում կյանքում ուսանողական նստարանից դեպի ամբիոն անցումը երկար չտևեց։
ԵՊԲՀ ստոմատոլոգիական կրթության գերազանցության կենտրոնում ստոմատոլոգիական ֆակուլտետի առաջին և երկրորդ կուրսի 12 կլինիկական օրդինատորներ այսօր մասնակցել են ԱՊՀ չորս երկրներում անցկացվող միջազգային օլիմպիադայի սիմուլյացիոն փուլին, ևս 12 ուսանողներ՝ չորորդ և հինգերորդ կուրսի, կմրցեն վաղը: Մասնակիցներն իրենց մասնագիտական հմտությունները ցույց են տվել ֆանտոմների վրա:
ԵՊԲՀ-ում այսօր անցկացվեց դասախոսություն՝ նվիրված քաղաքացիական պաշտպանության համաշխարհային օրվան:
Դասախոսության թեման աշխատակիցների և ուսանողների տարհանման միջոցառումների կազմակերպման և կրակմարիչների տեխնիկական բնութագրերի, օգտագործման կարգի մասին էր:
Ֆիլիպինների Մանիլա քաղաքում փետրվարի 20-ից 24-ը տեղի է ունեցել Խաղաղօվկիանոսյան և երվրասիական լյարդաբանների (APASL) 28-րդ տարեկան կոնֆերանսը, որին մասնակցել են ԵՊԲՀ թերապևտիկ ստոմատոլոգիայի ամբիոնի դոցենտ Վահե Ազատյանը, Ընդհանուր վիրաբուժության ամբիոնի դասախոս Հայկ Հարությունյանը, Ինֆեկցիոն հիվանդությունների ամիոնի ավագ դասախոս Արեգնազան Մխիթարյանը, ինչպես նաև «Նորք» ինֆեկցիոն կլինիկական հիվանդանոցի լյարդաբանության վարիչ, Հայաստանի լյարդաբանների ասոցիացիայի նախագահ Հասմիկ Ղազինյանը: