Մխիթար Հերացու անունը կրող Երևանի պետական բժշկական համալսարանը կրկին առանձնակի ջերմությամբ ընդունեց նորեկներին` առաջին կուրսեցիներին։
Ավանդույթի համաձայն` առաջին կուրսեցիներին ողջունեցին նաև ԵՊԲՀ քոլեջում։
Քոլեջի տնօրեն Ալեքսան Հովհաննիսյանը, ողջունելով և շնորհավորելով ուսանողներին միջին մասնագիտական կրթություն իրականացնող հաստատություն ընդունվելու առթիվ, նշեց, որ բժշկական բուհը միշտ ամուր կանգնած է ուսանողների թիկունքին.
«Միևնույն ժամանակ ուսանողները պետք է լավ սովորեն, իրենց ժամանակը զուր չվատնեն, ենթարկվեն համալսարանի և քոլեջի ներքին կանոններին»։
Քոլեջի տնօրենը ընդգծեց, որ կարգապահությամբ և բարձր առաջադիմությամբ աչքի ընկած ուսանողներին հնարավորություն կտրվի այցելել ԵՊԲՀ հիվանդանոցներ` գործնականում ծանոթանալու հիվանդանոցային կյանքին։
Հանդիպման ընթացքում ուսանողները և ծնողները ստացան իրենց հուզող հարցերի պատասխանները։
ԵՊԲՀ քոլեջում դասավանդում են Երևանի Մ. Հերացու անվան պետական բժշկական համալսարանի դասախոսները։
Դասերն անցկացվում են բժշկական համալսարանի ամբիոններում և կլինիկաներում։
