Ֆիզիկական դաստիարակության ամբիոնը ընտրել է ուսումնական տարվա լավագույն մարզիկներին

ԵՊԲՀ ֆիզիկական դաստիարակության ամբիոնը տասնամյակներ շարունակ խրախուսում է առողջ ապրելակերպի տարածումը բժշկական մայր բուհում՝ աջակցելով ապագա բժիշկներին մասնակցել սպորտային բազմաթիվ միջոցառումների, լավ արդյունքներ գրանցել: 

Ինչպես յուրաքանչյուր ուսումնական տարվա վերջ, այս տարի ևս Ֆիզիկական դաստիարակության ամբիոնը ընտրել է տարվա լավագույն մարզիկներին: Լավագույն մարզիկներն ընտրվել են ըստ գրանցված արդյունքների ու ձեռքբերումների:

Հակոբյան Հակոբ Վրեժի

Ծնվել է 2001թվականին: Ընդհանուր բժշկության ֆակուլտետի 3-րդ կուրսի ուսանող է: 2016 թվականին ՀՀ շախմատի առաջնության բրոնզե, 2017 թվականին ՝ արծաթե մեդալակիր: Եվրոպայի և աշխարհի առաջնությունների մասնակից: Անդրանիկ Մարգարյանի հուշամրցաշարի տարբեր տարիների հաղթող և մրցանակակիր: «Ջերմուկ» միջազգային մրցաշարի բազմակի մրցանակակիր: 2015թ. ՀՀ դպրոցականների թիմային առաջնության չեմպիոն: 2022թ ԵՊԲՀ ներբուհական մրցաշարի հաղթող: 23-րդ մարզական խաղերի բլից և արագ շախմատի առաջնությունների հաղթող: 

Գրիգորյան Արփինե Արսենի

Ծնվել է 2001թ.: Դեղագործական ֆակուլտետի 3-րդ կուրսի ուսանող է: ՀՀ պատանեկան շախմատի քառակի չեմպիոն (2011թ., 2013թ., 2015թ., 2016թ.), եռակի փոխչեմպիոն (2017-2019թթ.): 2011թ. Անդրանիկ Մարգարյանի հուշամրցաշարի հաղթող (մինչև 12 տարեկան աղջիկների): 2014թ. Moscow open միջազգային մրցաշարի փոխչեմպիոն (մինչև 13 տարեկան աղջիկների), 2015թ. ՌԴ-ում Սպիտակ նավակ փոխչեմպիոն: 2016թ. աշխարհի մինչև 16 տարեկան օլիմպիադայի թիմային բրոնզե մեդալակիր, 2018թ. Մարոկկոյում անցկացվող գիմնազիայի հաղթող, 2019թ. ԵՊԲՀ անցկացվող ներբուհական շախմատի առաջնության 2-րդ տեղ: 2021թ. ՀՀ կանանց շախմատի 76-րդ առաջնության 1-ին խմբի մրցաշարի հաղթող, կանանց ՖԻԴԵ-ի հաղթող, 2022թ. 44-օրյա պատերազում անմահացած հերացիականների հիշատակին նվիրված շախմատի ներբուհական առաջնության մասնակից (2-րդ տեղ): ՀՀ ուսանողական մարզական 23-րդ խաղերի շախմատի բլից առաջնության մասնակից (3-րդ տեղ):

Սարգսյան Մարիամ Հովհաննեսի

Ծնվել է 2003 թվականին: Ընդհանուր բժշկության ֆակուլտետի առաջին կուրսի ուսանող է: 2018թ. ՀՀ բազկամարտի դպրոցական առաջնության մասնակից: 2019թ. արծաթե մեդալակիր: 2021թ. բազկամարտի միջբուհական, հանրապետական առաջնության արծաթե մեդալակիր: 2022թ. միջբուհական սպարտակիդայի ոսկե մեդալակիր:

Քուսաի Աբու Ռայյա

Ծնվել է 1998թ. Հորդանանում: Ընդհանուր բժշկության ֆակուլտետի 5-րդ կուրսի ուսանող է: 2016թ. ԵՊԲՀ ֆուտզալի հավաքական թիմի անդամ: 2016թ. Հայ-ռուսական համալսարանի 20-րդ գավաթի ոսկե մեդալակիր: 2016թ. ՀՀ ուսանողական 17-րդ  հանրապետական մարզական խաղերի  ֆուտզալի առաջնության ոսկե մեդալակիր:  Խաղերի ֆուտզալի առաջնության բրոնզե մեդալակիր: 2017թ. ԵՊԲՀ-ի ֆուտզակի առաջնության արծաթե մեդալակիր:

Հարութինյան Վարազդատ Լևոնի

Ծնվել է 2001թվականին: Ընդհանուր բժշկության ֆակուլտետի երրորդ կուրսի ուսանող է: 2016թ «Ձմեռ» շախմատային մրցաշարի մեդալակիր:  2017թ. Շախմատի կենտրոնական տան «Blitz B» մրցաշարում 4-րդ մրցանակային տեղ: 2018թ. « CHESS Hause SP Rapid-2»  3-րդ տեղ: 2019թ. և 2022թ. ԵՊԲՀ առաջնության բրոնզե մեդալակիր, 2022թ. թիմային հաշվարկով ՀՀ ուսանողական 23-րդ մարզական խաղերի  շախմատի առաջնության բրոնզե մեդալակիր: Ավան համայքի բազմակի չեմպիոն, Հայաստանի Մ16 և Մ 18 մասնակից: