Կայքը դեռ գտնվում է փորձարկման փուլում։
The site is still under testing.

Գայլախտի բուժման նոր մոտեցումներն ու հեռանկարները քննարկվել են միջազգային համաժողովում

Գայլախտի բուժման նոր մոտեցումներն ու հեռանկարները քննարկվել են միջազգային համաժողովում

ԵՊԲՀ ներքին հիվանդությունների (ռևմատոլոգիա) ամբիոնի աստիստենտ Մագդա Օսիպյանը մասնակցել է Եվրոպական գայլախտի ասոցիացիայի (13th European Lupus Meeting 2022) կողմից կազմակերպված համաժողովին:

Ստոկհոլմում հոկտեմբերի 5-ից 8-ն անցկացված միջոցառմանը մասնակցում էին 22 երկրի 830 պատվիրակներ:

Համալսարանականը ունկնդիրներին է ներկայացրել ամբիոնի կողմից իրականացված հետազոտության տվյալները:

Համաժողովին տարբեր երկրների մասնագետները ներկայացրել են հիվանդության  նոր մոտեցումնեն ու հեռանկարները:

Ներքին հիվանդությունների (ռևմատոլոգիա) ամբիոնը կարևորում է նման գիտակլինիկական մասնագիտական հավաքներին մասնակցությունը` փորձի փոխանակման, նոր կապերի ստեղծման, համագործակցության տեսակետից:

Նշենք, որ համակարգային կարմիր գայլախտը (ՀԿԳ) քրոնիկ աուտոիմուն հիվանդություն է, որի ժամանակ ախտահարվում են օրգանիզմի տարբեր օրգաններ, մասնավորապես` մաշկը, հոդերը, արյան համակարգը և երիկամները:

«Համակարգային կարմիր գայլախտ» անվանումը ծագել է 20-րդ դարի սկզբին:

«Գայլախտ» անվանումը (lupus` լյուպուս) ծագում է լատիներեն «գայլ» (lupus) բառից. հիվանդությունն այսպես է կոչվել դեմքի վրա բնորոշ թիթեռնիկանման ցանի պատճառով, որը բժիշկներին հիշեցնում էր գայլի դեմքին առկա սպիտակ նշանը: «Կարմիր»-ն արտահայտում է ցանի կարմրությունը: