Կարդալ սկզբնաղբյուրում
27/03/2019Օրակարգի համաձայն՝ գիտության գծով պրոռեկտոր Կոստանտին Ենկոյանը ներկայացրեց 2018 թվականի ԵՊԲՀ գիտական գործունեության ամփոփ հաշվետվությունը: Գիտության գծով պրոռեկտորը նշեց, որ ավելացել են թեկնածուական և դոկտորական պաշտպանությունների թիվը:
Երևանի պետական բժշկական համալսարանն այսօր ընդունեց ՆԱՏՕ-ի փորձագետների խմբին: Այցի նպատակն էր ՆԱՏՕ-ի պաշտպանական կրթության զարգացման ծրագրի (DEEP) շրջանակում գնահատել Ռազմաբժշկական ֆակուլտետի աշխատանքները՝ 2019 թվականի համագործակացության ծրագրերը նախանշելու համար։
ԵՊԲՀ Կարիերայի կենտրոնը «Դասավանդի՛ր Հայաստան» կրթական հիմնադրամի հետ համատեղ այսօր կազմակերպել էին հանդիպում ընտանեկան ստոմատոլոգիա մասնագիտությամբ կլինիկական օրդինատորների հետ՝ ներկայացնելու առաջնորդության զարգացման ծրագիրը՝ միտված երիտասարդների մասնագիտական և առաջնորդական ներուժի բացահայտմանը՝ միաժամանակ նպաստելով համայնքների զարգացմանը:
«Մուրացան» համալսարանական հիվանդանոցային համալիրում այսօր նշվեց Միջինքը (Մեծ պահքի կեսը): Միջոցառմանը ներկա էին Նորք Մարաշի Ս. Աստվածածին եկեղեցու երիտասարդաց միության անդամները՝ Տեր Զաքարիա քահանա Ավետիսյանի գլխավորությամբ: Հյուրերը բուժվող երեխաների համար բերել էին խաղալիքներ, քաղցրավենիք նաև Միջինքի բաղարջ հաց:
Օտաերկրացիների ուսուցման դեկանատն այսօր իր շուրջն է համախմբում շուրջ 1700 արտասահմանցի ուսանողի։ ԵՊԲՀ ընդհանուր բժշկության, ստոմատոլոգիական ու դեղագիտական ֆակուլտետներում օտարերկրացիների ուսուցումը կազմակերպվում է երեք լեզվով՝ հայերեն, ռուսերեն և անգլերեն: Առաջին արտասահմանցի ուսանողները եղել են սփյուռքահայերը՝ Սիրիայից, Լիբանանից, Հորդանանից, Եթովպիայից, Իրանից, Իրաքից, Կիպրոսից, Հունաստանից և Բուլղարիայից: