Նորություններ

Մ. Հերացու անվան պետական բժշկական համալսարանում տեղի ունեցավ կլինիկական խորհրդի նիստ: Օրակարգի համաձայն՝ ներկայացվեցին համալսարանական հիվանդանոցային համալիրների 2018 թվականի գործունեության հաշվետվությունները, ինչպես նաև համալսարանական հիվանդանոցների մենեջմենթի և լիցենզավորման գործառույթներին վերաբերող հարցեր: 

Հնդկական ամենագունեղ ու վառ տոներից մեկին՝ Հոլիին էր նվիրված ԵՊԲՀ հանրակացարանում հնդիկ ուսանողների մասնակցությամբ անցկացված տոնական միջոցառումը:
ԵՊԲՀ-ն ամեն տարի այս տոնի առիթով հնդիկ ապագա բժիշկներին պաշտոնապես ազատում է դասերից՝ հարգելով նրանց ազգային և կրոնական առանձնահատկությունները: Հոլի տոնը հնդկական ամենահայտնի փառատոներից է, որի շրջանակում հնդիկները տոնում են գարնան գալուստը՝ միմյանց վրա լցնելով գունավոր ներկեր։

Ավարտվեց «Ուղեղի ճանաչման շաբաթ 2019»-ը, որը կազմակերպում է ԵՊԲՀ ՈՒԽ Ուսանողական գիտական ընկերությունը: Շաբաթվա նպատակն էր հանրության լայն շերտերին ծանոթացնել ուղեղի առանձնահատկություններին և գաղտնիքներին, ինչպես նաև նեյրոգիտության մեջ վերջին ձեռքբերումներին: Այս տարի ԵՊԲՀ-ում «Ուղեղի ճանաչման շաբաթը» նվիրված էր հոգեկան առողջությանը և հոգեկան խանգարումներին (Շիզոֆրենիա, Աուտիզմ, Օբսեսիվ-Կոմպուլսիվ խանգարում):

Ճանաչողական այցով Մ. Հերացու անվան պետական բժշկական համալսարան են այցելել Առողջապահության համաշխարհային կազմակերպության միջազգային փորձագետները: Հանդիպման ընթացքում առողջապահության ոլորտի մասնագետները հնչեցրին հարցեր, որոնք վերաբերում էին ԵՊԲՀ-ի կրթական համակարգին. բուհական, շարունակական կրթությանը, հանրային առողջության ֆակուլտետի մագիստրոսական ծրագրերին՝ հետագա համագործակցության ծրագրերն ընդլայնելու նպատակով:

Այսօր ԵՊԲՀ-ում, ուսանողական խորհրդարանի նախաձեռնությամբ, իրանցիները տոնական մթնոլորտում, ազգային երգ ու պարով նշեցին Իրանի իսլամական հանրապետության Ամանորը՝ Նովրուզը: Նովրուզը՝ ըստ Իրանի օրացույցի, նշվում է գարնան առաջին օրը՝ մարտի 21-ին:

Կարիերայի կենտրոնի ղեկավար Խաչատուր Մարգարյանը և Միջազգային համագործակցության բաժնի պետ Աննա Ղազարյանը Կրթական միջազգային համագործակցության նորվեգական կենտրոնի (DIKU) աջակցությամբ իրականացվող միջազգային ուսանողների ընդունելության և ճանաչման հայ-նորվեգական (NACAR) ծրագրի շրջանակում ինստիտուցիոնալ այցով մեկնել են Նորվեգիա։ Այցի ընթացքում քննարկումներ են իրականացվել Նորվեգիայի կրթության որակի գործակալությունում (NOKUT) և Նորվեգիայի հարվ-արևելյան համալսարանում (USN): 

Մ. Հերացու անվան պետական բժշկական համալսարանի հենակետային «Հերացի» ավագ դպրոցի աշակերտները Հայաստանն առաջին անգամ ներկայացրել են միջազգային գիտական օլիմպիադայում (18th Annual AESA Science Olympiad) և հաղթել։ Մրցանակները Լոս Անջելեսից Հայաստան են բերել «Հերացի» ավագ դպրոցի 11-րդ դասարանի կենսաքիմիական ենթահոսքի աշակերտները, ովքեր ներկայացրել են գիտահետազոտական աշխատանքներ կենսաբանություն առարկայից:

Երևանի պետական տնտեսագիտական համալասարանում օրեր առաջ ամփոփվեցին  «Լավագույն ուսանող»  հանրապետական մրցանակաբաշխության արդյունքները, որոնց համաձայն ՝ բժշկագիտության ոլորտում, բակալավրի կրթական ծրագրով հաղթող է ճանաչվել ԵՊԲՀ  6-րդ կուրսի ուսանողուհի, Նեյրոգիտության լաբորատորիայի կրտսեր գիտաշխատող Լիանա Հայրապետյանը։