Այսօր ԵՊԲՀ նիստերի դահլիճում մեկնարկեց Հայաստանի ստոմատոլոգների ասոցիացիայի կողմից կազմակերպված մասնագիտական «Միոֆունկցիոնալ թերապիայի դերը բերանի խոռոչի հիվանդությունների կանխարգելիչ և բուժական նպատակներով» խորագրով երկօրյա վեհաժողովը:
14/12/2018ԵՊԲՀ դեղագիտական ֆակուլտետի ուսանողներն այսուհետ գործնական պարապունքները կանցկացնեն վերանորոգված ու հարմարավետ լսարաններում ու լաբորատորիաներում, որոնք վերազինվել են «Լաննեթթ քոմփանի» ընկերության կողմից նվիրաբերված գերժամանակակից սարքավորումներով ու լաբորատոր կահույքով:
Իսրայելում նոյեմբերի վերջին 6-րդ անգամ անցկացվել է համաժողով «Բիոէթիկայի, բժշկական էթիկայի և առողջապահական իրավունք» թեմաներով: ԵՊԲՀ հասարակագիտական առարկաների ամբիոնի դասախոս Սուսաննա Դավթյանը, ով նաև ՅՈՒՆԵՍԿՕ-ի բիոէթիկայի ամբիոնի միջազգային ցանցի հայկական մասնաճյուղի վարիչն է, կիսվեց այդ օրերի տպավորություններով:
ԵՊԲՀ կենսաքիմիայի ամբիոնի թիվ 1 լսարանն այսուհետև կկրի նույն ամբիոնի դոցենտ Լիլիա Չիլինգարանի անունը։ Լսարանի բացմանը նվիրված միջոցառմանը ներկա էին ոչ միայն ընտանիքի անդամները ՝ ԵՊԲՀ ռեկտոր Արմեն Մուրադյանի գլխավորությամբ, այլև համալսարանի պրոֆեսորադասախոսական կազմը, Հայրենիքի պաշտպանի վերականգնողական կենտրոնում բուժում ստացող զինվորները:
Երևանի Մխիթար Հերացու անվան պետական բժշկական համալսարանը համագործակցության հուշագրեր ստորագրեց «Ուիգմոր Քլինիք» և «Նորք-Մարաշ» բժշկական կենտրոնների հետ։ Հուշագրերի համաձայն՝ կողմերը նախատեսում են համագործակցել մի շարք ուղղություններով՝ իրենց ջանքերն ու ներուժը համատեղելով ի նպաստ առողջապահության ոլորտում կրթության և գիտության զարգացման:
«Մուրացան» համալսարանական հիվանդանոցում տրամադրությունը տոնական էր:Այսօր «Միրզոյան» քառյակի երաժիշտները, միավորվելով ԵՊԲՀ ուսանողների, բժիշկների հետ, ապացուցեցին, որ տոն կարող է լինել նույնիսկ հիվանդանոցում, և դրա համար շատ բան հարկավոր չէ: Համերգից հետո երաժիշտներն ուրախացրին հիվանդանոցում բուժվող երեխաներին՝ տալով իրենց պատրաստած նվերները։
Այս անգամ, Հանրապետական ուսանողական մարզական խաղերի տղաների բասկետբոլի 19-րդ առաջնությունը, որին մասնակցում էր նաև Երևանի պետական բժշկական համալսարանի բասկետբոլի տղաների հավաքական թիմը, գրավեց երրորդ պատվավոր տեղը՝ պարգևատրվելով գավաթով, մեդալներով և պատվոգրերով:
Սիրելի ուսանողներ և դասախոսներ, սկսում ենք հարցազրույցների նոր շարք, որի նպատակն է բժշկական կրթության պատասխանատուներին ներկայացնել փոքր-ինչ այլ ձևաչափում՝ անդրադառնալով նրանց անցած ճանապարհին, արդիական հարցերին ու անելիքներին։
ԵՊԲՀ և ՊՆ համագործակցության արդյունքում՝ համալսարանական հիվանդանոցի առաջատար բժիշկներ Արմեն Զարգարյանը և Դավիթ Ղամբարյանը 10 օր իրենց մասնագիտական գործունեություն են իրականացնելու Ջաբրաիլի հոսպիտալում: Բժիշկներին ուղեկցելու են կլինիկական օրդինատորներ: Ջաբրաիլի զինվորական հոսպիտալում հետազոտվելու են 43 զինվոր և ըստ անհրաժեշտության տեղում իրականացվելու են վիրահատական միջամտություններ: