ԵՊԲՀ ուսանողներն արդեն երկրորդ անգամ հանդես են գալիս հետաքրքրիր նախաձեռնությամբ: Հոկտեմբերի 17-ին Միքայելյան վիրաբուժության ինստիտուտում նրանց կողմից շարունակվեց Միխայիլ Բուլգակովի «Շան սիրտը» վեպի քննարկումը:
17/10/2018Օրեր առաջ Ժնևում կայացել է Առողջապահության համաշխարհային կազմակերպության հոգեկան առողջության խանգարումներին նվիրված ֆորումը (The Mental Health Gap Action Programme (mhGAP) Forum 2018 of the World Health Organization), որին իր մասնակցությունն է ունեցել ԵՊԲՀ բժշկական հոգեբանության ամբիոնի վարիչ Խաչատուր Գասպարյանը՝ ներկայացնելով Հայաստանը:
Տասնչորսերորդ տարին անընդմեջ իրականացվող «ԴիջիԹեք Էքսպո» 2018 ցուցահանդեսն այս տարի տեխնոլոգիական ոլորտով հետաքրքրվողների համար իր դռներն էր բացել հոկտեմբերի 5-7-ը՝ «Երևան էքսպո» կենտրոնում: «Տոն՝ տեխնոլոգիական հայության համար» կարգախոսի ներքո անցկացվող ցուցահանդեսին մասնակցում էին մի շարք առաջատար ընկերություններ, ինչպես նաև Հայաստանի և Արցախի շուրջ 230 դպրոցների «Արմաթ» կրթական ցանցի սաներ:
Պաշտոնական այցով Լեհաստանի մի շարք գիտահետազոտական ինստիտուտներ և համալսարաններ է այցելել ԵՊԲՀ գիտության գծով պրոռեկտոր, պրոֆեսոր Կոնստանտին Ենկոյանը:Առաջին այցը Նենսկիի փորձարարական կենսաբանության ինստիտուտն էր:
Կենսաքիմիայի ամբիոնի պրոֆեսոր Կոնստանտին Ենկոյանը և ասիստենտ Կատարինե Ֆերեշետյանը մասնակցեցին Նեյրոփսիխոֆարմակոլոգիայի Եվրոպական քոլեջի 31-րդ կոնգրեսին, որի ընթացքում ներկայացրեցին Ալցհեյմերի հիվանդության և աուտիզմի ուսումնասիրությանն ուղղված իրենց աշխատանքները` կատարված ԵՊԲՀ Նեյրոգիտության լաբորատորիայում:
ԵՊԲՀ-ում դասախոսելու նպատակով Երևանում են Գերմանիայի Մյունսթերի համալսարանական կլինիկայի և Համբուրգի Հյուսիսային ակադեմիայի պրոֆեսորները:
Ուսանողների նախաձեռնությամբ շաբաթ օրը Միքայելյան վիրաբուժության ինստիտուտում տեղի ունեցավ քննարկում նվիրված Միխայիլ Բուլգակովի «Շան սիրտը» վեպին և դրա էկրանավորված տարբերակին: Անկաշկանդ մթնոլորտում սովորողներն ու դասախոսները մտքեր փոխանակեցին, վերլուծեցին այս ստեղծագործության մեջ բժշկի կերպարը, կիսվեցին տպավարություններով:
Սիրելի ուսանողներ և կլինիկական օրդինատորներ, տեղեկացնում ենք Ձեզ, որ նոյեմբերից դեկտեմբեր ընկած ժամանակահատվածում ԵՊԲՀ-ում կազմակերպվելու են թեմատիկ միջառարկայական դասախոսություններ: Դասախոսությունները կարդալու է 3-ից 5 մասնագետ: Դասախոսությունները կսկսվեն ժամը 11:00-ին և կավարտվեն 13:00-ին՝ 15 րոպե ընդմիջմամբ: Դասախոսությունների վերջում նախատեսվում է հարց ու պատասխան:
Սիրելի՛ ուսուցիչներ, սրտանց շնորհավորում եմ մասնագիտական այս գեղեցիկ տոնի առթիվ:
Թող աշխատանքային բարդ գործընթացում անսասան կամքը, տոկունությունը, ինչպես նաև հաջողությունն ու ստեղծագործական վերելքը ձեր մշտական ուղեկիցը լինեն: